کراچی چیمبرآف کامرس اینڈ انڈسٹری کا صنعتی صارفین کیلئے بجلی نرخوں میں 3روپے کمی کا خیرمقدم
بدھ 30 دسمبر 2015 20:04
کراچی(اُردو پوائنٹ اخبارتازہ ترین - این این آئی۔30 دسمبر۔2015ء) کراچی چیمبر آف کامرس اینڈ انڈسٹری ( کے سی سی آئی ) کے صدر یونس محمد بشیر نے وزیراعظم محمد نوازشریف کے دورہ کراچی کے موقع پر ملک بھر کے صنعتی صارفین کے لیے بجلی نرخوں میں فی یونٹ 3 روپے کمی کے اعلان کا خیرمقدم کیا ہے۔ایک بیان میں انہوں نے کہاکہ صنعتی صارفین کے لیے بجلی نرخوں میں کمی کی اشد ضرورت تھی وزیراعظم کے اس اقدام سے کاروباری لاگت میں کمی ہونے کے ساتھ ساتھ مہنگائی پر قابو پانے اور پاکستانی برآمد کنندگان کو عالمی مارکیٹوں میں بہتر مقابلہ کرنے کے مواقع بھی میسر آئیں گے۔
انہوں نے کہاکہ پاکستان بھر کے باالخصوص کراچی کے تاجروصنعتکار کھلے دل سے اس کاروبار دوست اقدام کا خیرمقدم کرتے ہیں جس کے باعث یقینی طور پرطویل عرصے بعد سکھ کا سانس لے پائیں گے۔(جاری ہے)
یونس بشیر نے کہاکہ کاروبار وصنعت کی بڑھتی لاگت کے باعث تاجر وصنعتکاروں کے لیے خود کو ڈوبنے سے بچانا انتہائی مشکل ہوتا جارہا تھا اور اسی طرح ملکی برآمدات میں کمی نے برآمدکنندگان کو بھی اسی قسم کی صورتحال سے دوچار کیا ہوا ہے تاہم حکومت کی جانب سے بجلی کے نرخوں میں حالیہ کمی کے اقدام سے صنعتوں کو کسی حد تک ریلیف ملے گا۔
انہوں نے کہاکہ آئی ایم ایف پروگرام کے تحت بجلی و گیس کے زائد نرخوں کی وجہ سے صنعت و تجارت شدید دباؤ میں رہا ہے تاہم حالیہ اقدام سے بجلی کے بلوں میں کمی سے نہ صرف تاجروصنعتکار برادری کو ریلیف ملنے بلکہ معیشت کو بھی فائدہ ہو گا۔انہوں نے بجلی کی طلب و رسد کے فرق پر تبصرہ کرتے ہوئے کہاکہ بجلی کی طلب کو پورا کرنے کے لیے کئی منصوبے شروع کیے گئے جو کہ ناکافی ہیں ،ملکی طلب کو پورا کرنے کے لیے بجلی کے مزید پیداواری منصوبے شروع کرنے کی ضرورت ہے کیونکہ ملک میں بجلی کی مجموعی طلب20 ہزار میگا واٹ جبکہ پیداوار صرف11500 میگا واٹ ہے۔انہوں نے امیدظاہر کی کہ موجودہ حکومت کاروبار دوست اقدامات جاری رکھے گی اور تاجروصنعتکاربرادری کو سازگار ماحول مہیا کرے گی جو ملک کو درپیش مسائل سے نمٹنے کے لیے بہت ضروری ہے۔انہوں نے حکومت کو مخاطب کرتے ہوئے کہاکہ نیا کاروبار شروع کرنے میں حائل رکاوٹوں کوفوری دور کرنے پر خصوصی توجہ دی جائے خاص طور پربجلی، پانی و گیس کی عدم دستیابی،ٹٰیکسوں کی ادائیگی میں مشکلات سمیت دیگر رکاوٹوں کو دور کرنے کے لیے مؤثر اقدامات کیے جائے تاکہ ملک میں مجموعی کاروباری ماحول کو بہتر بنایاجاسکے۔یونس بشیر نے مزید کہاکہ صرف ایسے مستحکم کاروباری ماحول میں ہی کاروبار زیادہ ترقی کرتا ہے جس میں حکومت کی پالیسیاں اور قوانین میں بھی استحکام ہوں۔پالیسوں میں استحکام کے اپنے فوائد ہیں جس سے ایک کمپنی کو کاروبار کی حکمت عملی وضع کرنے اور جدت اختیار کرنے کے علاوہ کاروبار میں توسیع اورنئے کاروبار کے آغاز کی ترغیب ملتی ہے ۔مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.