ودیا بالن گردے میں پتھری کے باعث ہسپتال داخل

جمعرات 31 دسمبر 2015 11:31

ودیا بالن گردے میں پتھری کے باعث ہسپتال داخل

ممبئی(اُردو پوائنٹ اخبارتازہ ترین - این این آئی۔31 دسمبر۔2015ء) بالی ووڈ میں اپنے کردار میں ڈھل جانے اور ڈرٹی گرل کے نام سے مشہور اداکارہ ودیا بالن کو گردے میں پتھری کے باعث ہسپتال میں داخل کردیا گیا ہے۔

(جاری ہے)

میڈیا رپورٹس کے مطابق بالی ووڈ اداکارہ ودیا بالن اپنے شوہر پروڈیوسر سدھارت رائے کپور کے ہمراہ اپنی سالگرہ اور نئے سال کی آمد کا جشن منانے کے لیے ابوظہبی سے یورپی ملک روانگی ہورہی تھیں کہ اس دوران انہیں گردے میں تکلیف محسوس ہوئی جس پر انہیں ایئرپورٹ کلینک لے جایا گیا جہاں ابتدائی طبی امداد کے بعد انہیں ممبئی واپس بھیج دیا گیا۔

ڈاکٹروں کی جانب سے گردے میں پتھری کی تشخیص کے بعد اداکارہ ودیا بالن ممبئی کے اسپتال میں زیر علاج ہیں جہاں ان کی طبیعت میں بہتری آرہی ہے جب کہ اداکارہ کے ترجمان نے بھی ان کی بیماری کی تصدیق کی ہے تاہم اداکارہ کی بیماری کے باعث ان کی سالگرہ اور نئے سال کی آمد کا جشن منانے کا پروگرام منسوخ کردیا ہے۔