تیسرا ون ڈے ، سری لنکا نے نیوزی لینڈ کے دورے میں پہلی کامیابی سمیٹ لی
نیلسن (اردو پوا ئنٹ تازہ ترین اخبار31دسمبر- 2015ء) سری لنکا نے گناتھیلاکا ، دلشان اور تھریمانے کی ذمہ دارانہ بلے بازی کے بدولت نیوزی لینڈ کو تیسرے ون ڈے میچ میں 8 وکٹوں سے شکست دے کر دورے کی پہلی کامیابی حاصل کرلی ہے ۔ سیریز کے پہلے دومیچوں میں شکست کے بعد سری لنکا نے تیسرے ون ڈے میچ میں شکست دے کر سیریز کے خسارے کو کم کرکے 2-1 کردیا ۔ کیوی کپتان برینڈن میکولم کی غیر موجودگی میں قیادت کرنے والے کین ولیمسن نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں کے نقصان پر 276 رنز بنائے ۔
ولیمسن نے 59 رنز بنائے ، ٹام لیتھم 42 اورمچل سینٹنر 38 رنز بنا کر نمایاں بلے باز رہے ۔ سری لنکا کی جانب سے نووان پرادیپ، دشمنتھا چامیرا اور جیفری وینڈرسے نے 2،2 وکٹیں حاصل کیں ۔(جاری ہے)
277 رنز کا ہدف سری لنکن ٹیم نے باآسانی 47 ویں اوور میں صرف دووکٹوں کے نقصان پر حاصل کرلیا ۔ مہمان ٹیم کے اوپنرز نے 98 رنز کا شاندار آغاز فراہم کیا، دانوشکا گناتھیلاکا نے 45 گیندوں پر 4 چھکوں اور 7 چوکوں کی مدد سے 65 رنز کی جارحانہ اننگز کھیلی ۔
تلکارتنے دلشان اور تھریمانے نے دوسری وکٹ کی شراکت میں 107 رنز جوڑے اور اس موقع پر دلشان 91 رنز بنا کر رن آؤٹ ہوگئے ۔ تھریمانے نے ناقابل شکست 87 رنز بنا کر سری لنکا کو تیسرے میچ میں کامیابی دلا دی جبکہ چندیمل 27 رنز بنا کر ناٹ آؤٹ رہے ۔ اوپنر گناتھیلاکا کو دھواں دھار اننگز کھیلنے پر میچ کا بہترین کھلاڑی قرار دیا گیا ۔ اس سے قبل نیوزی لینڈ نے سری لنکا کو دوٹیسٹ میچوں اور ابتدائی دونوں ون ڈے میچوں میں شکست سے دوچار کیا تھا ۔ دونوں ٹیموں کے درمیان سیریز کا اگلا میچ 2جنوری کو نیلسن میں ہی کھیلا جائے گا ۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
