امریکہ کی جانب سے اسرائیلی وزیراعظم کی جاسوسی کیے جانے کا انکشاف
جمعرات 31 دسمبر 2015 13:22
واشنگٹن(اُردو پوائنٹ اخبارتازہ ترین - آئی این پی۔31 دسمبر۔2015ء ) امریکی اخبار نے دعویٰ کیا ہے کہ صدر براک اوباما کی جانب سے دوست ملکوں کے سربراہان کی جاسوسی نہ کرنے کے وعدے کے باوجود امریکہ حال ہی میں اسرائیلی وزیر اعظم بینجمن نیتن یاہو کی جاسوسی میں ملوث رہا ہے۔اخبار 'وال اسٹریٹ جرنل' کی رپورٹ کے مطابق امریکہ نے ایران کے ساتھ ایٹمی معاہدے پر مذاکرات کے دوران نیتن یاہو اور ان کے نائب کے درمیان ہونے والی بات چیت کو ریکارڈ کیا تھا۔
اخبار کی رپورٹ کے مطابق جاسوسی کے اس اقدام سے امریکہ اور اسرائیل کے درمیان عدم اعتماد میں اضافہ ہوا ہے۔ اسرائیلی وزیرِاعطم نیتن یاہو نے امریکی کانگریس کے ارکان کو ایران کے ساتھ ایٹمی معاہدے کی مخالفت پر قائل کرنے مہم چلائی تھی جس کے جواب میں امریکی انتظامیہ نے یہ اقدام کیا۔(جاری ہے)
وال اسٹریٹ جرنل کی رپورٹ کے مطابق امریکہ کی جاسوسی سرگرمیوں کا نشانہ اسرائیلی قیادت اور سرکاری حکام تھے جن کی امریکی قانون سازوں اور امریکی یہودی تنظیم کے ساتھ نجی بات چیت بھی ریکارڈ کی گئی۔
اخبار کی رپورٹ میں ایک اعلیٰ امریکی عہدیدار کے حوالے سے خدشہ ظاہر کیا گیا ہے کہ اس اقدام کے نتیجے میں خدشہ ہے کہ کہیں وائٹ ہاوس پر کانگریس کی جاسوسی کا الزام ہی نہ لگ جائے۔رپورٹ میں دعویٰ کیا گیا ہے کہ وائٹ ہاوس حکام کو یقین تھا کہ جاسوسی سے حاصل ہونے والی معلومات کے نتیجے میں ایران کے ساتھ ایٹمی معاہدے کے خلاف اسرائیلی وزیرِاعظم کی مہم کا توڑ کرنے میں مدد ملے گی۔اسرائیلی وزیرِاعظم نے معاہدے کی مخالفت میں کانگریس کے سامنے دلیل یہ دی تھی کہ ایران کے ساتھ معاہدے کے نتیجے میں اس کے ایٹمی ہتھیار بنانے کی راہ ہموار ہوجائے گی۔جوہری معاہدے پر رواں سال جولائی میں ایران اور چھ عالمی قوتوں نے دستخط کیے تھے جس کا مقصد ایران پر عائد بین الااقوامی معاشی پابندیاں اٹھانے کے عوض اس کے ایٹمی پروگرام کو محدود کرنا ہے۔مزید بین الاقوامی خبریں
-
ناسا کے سربراہ کا خلا میں چینی فوج کی موجودگی کا دعویٰ
-
سپیس ایکس نے مزید 23 سٹار لنک انٹرنیٹ سیٹلائٹ زمین کے گرد مدار میں بھیج دیئے
-
غریب ممالک کے قرضوں کے بوجھ کو تیزی سے کم کرنے کے حل موجود ہیں، اقوام متحدہ
-
ایمریٹس ایئرلائن کا دبئی سے آپریشن بحال، مسافروں کو نئی بکنگ کرانے کی ہدایت
-
اقوام متحدہ نے غزہ کے لیے 2.8 ارب ڈالر کی فنڈنگ کی اپیل کردی
-
عمان،سیلابی ریلے میں بیٹی کو سینے سے لگائے باپ کی ویڈیو نے دل دہلا دیئے
-
سعودی عرب میں ٹریفک چالان پر 50 فیصد رعایت کااعلان
-
غلط اندازہ اسرائیل ایران تصادم بڑھنے کا باعث بنا، امریکی میڈیا
-
زائرین کو 40 برس سے مفت چائے پلانے والے بزرگ کا انتقال
-
ترجمے کی مضحکہ خیز غلطی، بھارتی ریلوے اسٹیشن پرلگا بورڈ وائرل ہوگیا
-
کوڑے دان سے ملا سونے، ڈالرزسے بھرا بیگ ایرانی شہری نے مالک کو واپس کردیا
-
کینیڈا،سونے اورکرنسی کی سب سے بڑی چوری، بھارتی اورپاکستانی ملوث
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.