نریندر مودی کا دورہ پاکستان ـ ’’دیر آید درست آید ‘‘کی ماند ہے ،حکومت کی بہتر خارجہ پالیسی اور سفارتکاری کا عملی ثبوت ہے‘ رفیق رجوانہ
انتہا پسندوں کے دن گنے جا چکے ہیں، اب دہشتگردوں کا اس ملک میں کوئی ٹھکانہ نہیں ،وزیر اعظم نواز شریف کی قیادت میں موجودہ عوامی حکومت نے معاشی طور پر مستحکم اور عملی طور پر جمہوری اور فلاحی پاکستان کی بنیاد رکھ دی ہے‘ گورنر پنجاب کی لندن میں پاکستانی ہائی کمشنر سید ابن عباس سے ملاقات میں گفتگو
ہفتہ 2 جنوری 2016 17:57
لاہور ( اُردو پوائنٹ اخبارتازہ ترین - این این آئی۔02 جنوری۔2016ء) گورنر پنجاب ملک محمد رفیق رجوانہ نے کہا ہے کہ وزیر اعظم نواز شریف کی قیادت میں موجودہ عوامی حکومت نے معاشی طور پر مستحکم اور عملی طور پر جمہوری اور فلاحی پاکستان کی بنیاد رکھ دی ہے اور وہ دن دور نہیں جب پاکستان کا شمار صفِ اول کی معیشتوں میں ہو گا ،بیرون ملک پاکستانی، پاکستان کا وقار اور اعزاز ہیں جو دنیا بھر میں پاکستان کا نام روشن کرنے کے ساتھ ساتھ خطیر زرمبادلہ کے ذریعے ملکی معیشت میں بھی اہم کردار ادا کر رہے ہیں ۔
ان خیالات کا اظہار انہوں نے برطانیہ پہنچنے پر لندن میں پاکستانی ہائی کمشنر سید ابن عباس سے ملاقات کے دوران کیا ۔ گورنر پنجاب نے ہائی کمیشن کا دورہ بھی کیا جہاں انہیں ہائی کمیشن کی مختلف ذمہ داریاں اور اُمور کے بارے میں بتایا گیا۔(جاری ہے)
گورنر پنجاب نے کہا کہ مسلم لیگ(ن) مخاصمت کے بجائے مفاہمت کی سیاست پر یقین رکھتی ہے کیونکہ تعمیری سوچ کے ساتھ اُٹھایا جانے والا قدم ہی منزل کے حصول کی ضمانت ہوتا ہے۔
انہوں نے کہا کہ پاکستان خطے میں دیر پا امن کے قیام کے لیے بھارت سمیت تمام ہمسایہ ممالک کے ساتھ مساوی تعلقات کا خواہاں ہے اور ہم اس سلسلے میں اپنا مثبت کردار ادا کرتے رہیں گے۔انہوں نے کہا کہ بھارتی وزیراعظم کا دورہ پاکستان ـ ’’دیر آید درست آید ‘‘کی ماند ہے جو یقینا حکومت کی بہتر خارجہ پالیسی اور سفارتکاری کا عملی ثبوت ہے۔انہوں نے کہا کہ انتہا پسندوں کے دن گنے جا چکے ہیں، اب دہشتگردوں کا اس ملک میں کوئی ٹھکانہ نہیں ہے ۔انہوں نے کہا کہ پاکستان امن کا داعی ہے اور ہم دنیا کے کسی مقام پر ہونے والے دہشتگردی کے واقعے کی مذمت کرتے ہیں۔ گورنر پنجاب کو اس موقع پر بتایا گیا کہ پاکستان اور برطانیہ کے درمیان تعلیم میں تعاون کو فروغ دینے کے لیے اقدامات کیے گئے ہیں تا کہ زیادہ سے زیادہ پاکستانی نوجوان برطانیہ کی یونیورسٹیوں میں اعلیٰ تعلیم حاصل کر سکیں ۔ گورنر پنجاب نے اس موقع پر ہائی کمشنر کو ہدایت کی کہ وہ برطانیہ آنے والے پاکستانیوں کے مسائل کو ترجیحی بنیادوں پر حل کریں، پاکستان اور برطانیہ کے درمیان ایک پُل کا کردار ادا کریں ۔گورنر پنجاب نے اس موقع پر ہائی کمیشن میں مہمانوں کی ڈائری میں اپنے تاثرات بھی قلمبند کئے۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.