گیس کے بدترین بحران نے عوام کیلئے مشکلات کھڑی کردی ہیں‘ میاں مقصوداحمد
حکومت بجلی وگیس کی لوڈشیڈنگ کے خاتمے کیلئے باتوں کی بجائے سنجیدگی دکھائے‘گھریلوصارفین کے ساتھ انڈسٹریز کوبلاتعطل گیس فراہمی کے فوری اقدامات کئے جائیں‘عوامی وفود سے گفتگو
منگل 5 جنوری 2016 17:27
لاہور(اُردو پوائنٹ اخبارتازہ ترین - آئی این پی۔05 جنوری۔2016ء) امیرجماعت اسلامی پنجاب میاں مقصود احمد نے کہا ہے کہ لاہورسمیت صوبے بھر میں گیس کے بدترین بحران نے عوام کے لئے مشکلات کھڑی کردی ہیں‘کئی کئی گھنٹوں تک گیس کی عدم دستیابی اور پریشر کم ہونے سے کھاناپکانا ممکن نہیں رہا‘گھروں میں چولہے ٹھنڈے پڑنے سے بچے اور بڑے ناشتہ کئے بغیراسکول اور دفاتر جانے پر مجبور ہیں‘سردی بڑھنے اور گیس بحران کی وجہ سے لکڑی اور مٹی کے تیل کی قیمت بھی غریب عوام کی پہنچ سے باہر ہوچکی ہے‘حکومتی دعوؤں کے برعکس عوام کی پریشانی میں مسلسل اضافہ ہورہا ہے۔
ان خیالات کا اظہار انہوں نے منصورہ میں عوامی وفود سے گفتگو کرتے ہوئے کیا۔انہوں نے کہاکہ بجلی اور گیس کے بحران کی وجہ سے لوگوں کے روزمرہ کے معاملات درہم برہم اور زندگی اجیرن ہوچکی ہے۔(جاری ہے)
یوں محسوس ہوتا ہے کہ جیسے حکمرانوں کوعوامی مسائل کے حل سے کوئی غرض نہیں۔حکومت بجلی وگیس کی لوڈشیڈنگ کے خاتمے کے لئے محض دعوؤں اور باتوں کی بجائے سنجیدگی دکھائے اور عملی اقدامات کرے۔
گیس کی کمیابی عوام الناس کے لئے اذیت کاباعث بن چکی ہے۔میاں مقصود احمد نے مزیدکہاکہ تاپی گیس پائپ لائن منصوبے پر عمل درآمد کے ساتھ ساتھ نئی گیس فیلڈزدریافت کرنے کی ضرورت ہے تاکہ18کروڑ عوام کی ضروریات کوپوراکیا جاسکے۔بجلی وگیس کی لوڈشیڈنگ نے ملکی معیشت کوناقابل تلافی نقصان پہنچایا ہے۔مزدوروں کے لئے روزگار کے مواقع ختم ہوکر رہ گئے۔سرمایہ دار پاکستان میں نامساعد حالات کے پیش نظر سرمایہ کاری کرنے سے گریزاں ہیں۔گیس کی بڑے پیمانے پرہونے والی چوری ختم اور بااثرشخصیات واداروں کی جانب سے اربوں روپے کے بلوں کی ادائیگی کردی جائے تو گیس کی غیر اعلانیہ لوڈشیڈنگ میں بڑی حد تک کمی واقع ہوسکتی ہے ۔انہوں نے کہاکہ ایک طرف عوام کوگیس میسرنہیں تودوسری جانب تین لاکھ نئے کنکشن جاری کردیئے گئے ہیں۔گھریلوصارفین کے ساتھ ساتھ انڈسٹریزکوبلاتعطل گیس کی فراہمی کے لئے فوری اقدامات کئے جائیں۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.