ثانیہ مرزا اور مارٹینا ہنگس برسبین انٹرنیشنل کے فائنل میں پہنچ گئیں

جمعہ 8 جنوری 2016 13:02

ثانیہ مرزا اور مارٹینا ہنگس برسبین انٹرنیشنل کے فائنل میں پہنچ گئیں

برسبین ۔08 جنوری (اُردو پوائنٹ اخبارتازہ ترین - اے پی پی۔08 جنوری۔2016ء) عالمی نمبر ایک جوڑی ثانیہ مرزا اور مارٹینا ہنگس نے فتوحات کا سلسلہ برقرار رکھتے ہوئے برسبین انٹرنیشنل کے فائنل میں جگہ بنا لی، ایونٹ کے پہلے سیمی فائنل میں انڈو سوئس جوڑی نے اینڈریجا کلپیک اور ایلا کدریٹسیوا کو شکست سے دوچار کیا۔

(جاری ہے)

تفصیلات کے مطابق برسبین انٹرنیشنل ٹینس ٹورنامنٹ کے دلچسپ مقابلے آسٹریلیا میں جاری ہیں، گزشتہ روز ویمنز ڈبلز کے پہلے سیمی فائنل میں بھارت کی ثانیہ مرزا اور سوئٹزرلینڈ کی مارٹینا ہنگس نے سلوینیا کی اینڈریجا کلپیک اور روس کی ایلا کدریٹسیوا کو سٹریٹ سیٹس میں شکست دی اور فائنل کیلئے کوالیفائی کیا، ان کی جیت کا سکور 6-3 اور 7-5 رہا۔