آئی سی سی کی جانب سے 15 ڈگری کی پابندی کے باوجود اب بھی اکثر آف سپنرز اپنی کہنی زیادہ موڑتے ہیں اور انکا بازو مقررہ حد سے زیادہ خم کھاتا ہے، آف سپنر بازو کو خم دیے بغیر 'دوسرا' نہیں کر سکتے
قومی ٹیم کے تجربہ کار آل راؤنڈر اور بلے باز محمد حفیظ کا ا نٹرویو
جمعہ 8 جنوری 2016 18:08
لاہور (اُردو پوائنٹ اخبارتازہ ترین - آئی این پی۔08 جنوری۔2016ء ) قومی ٹیم کے تجربہ کار آل راؤنڈر اور بلے باز محمد حفیظ نے دعویٰ کیا ہے کہ انٹرنیشنل کرکٹ کونسل (آئی سی سی) کی جانب سے 15 ڈگری کی پابندی کے باوجود اب بھی اکثر آف سپنرز اپنی کہنی زیادہ موڑتے ہیں اور انکا بازو مقررہ حد سے زیادہ خم کھاتا ہے۔ ایک انٹرویو میں محمد حفیظ کا کہنا تھا کہ ماضی میں صف اول کے سپنرز کو بھی دوسرا کرنے میں مسائل پیش آتے تھے لیکن اس وقت زیادہ سختی نہ تھی ، اب حالات بدل چکے ہیں اور اسی لیے وہ باؤلنگ میں دیگر ورائٹیز پر بھی کام کر رہے ہیں تاکہ 15 ڈگری کے اندر رہتے ہوئے باؤلنگ کر سکیں۔
انہوں نے ہندوستانی سپنر روی چندرن ایشون کے اس موقف کی تائید کی کہ آف سپنر بازو کو خم دیے بغیر 'دوسرا' نہیں کر سکتے ، حفیظ کے مطابق آئی سی سی اس وقت 15 ڈگری کے اصول پر کاربند ہے لیکن انہیں یقین ہے کہ اگر آئی سی سی اب بھی فنگر سپنرز کے باؤلنگ ایکشن کا معائنہ کرے تو 80 فیصد کے بازو میں مقررہ حد سے زیادہ خم آئیگا۔(جاری ہے)
قائد اعظم ٹرافی فائنل میں باؤلنگ کے حوالے سے سوال پر آل راؤنڈر نے کہا کہ انہیں اس میچ میں باؤلنگ کرنیکی اجازت تھی کیونکہ یہاں پر کیمرے لگے ہوئے تھے اور اگر میچ آفیشلز کو انکے ایکشن میں کوئی مسئلہ محسوس ہوتا تو وہ انہیں باؤلنگ سے روک سکتے تھے۔
یاد رہے کہ حفیظ کا ایکشن دوسری مرتبہ رپورٹ ہونے پر انہیں باؤلنگ سے روکدیا گیا تھا اور ایک سال تک وہ دوبارہ آئی سی سی سے باؤلنگ ایکشن کے جائزے کی درخواست دوبارہ نہیں دے سکتے۔متعلقہ عنوان :
مزید کھیلوں کی خبریں
-
کاکول میں سخت ٹریننگ،بعض کھلاڑیوں نے تھکاوٹ کے باعث کرسی پر بیٹھ کر نماز ادا کی
-
میامی اوپن ٹینس مینز سنگلز،گریگور دیمتروف اور الیگزینڈرزویروف سیمی فائنل میں پہنچ گئے
-
قومی فٹبال ٹیم کے فارورڈ کھلاڑی فرید اللہ کی انجری کی کامیاب سرجری
-
میامی اوپن ٹینس ویمنز سنگلز،ایلینا ریباکینااور ڈینیئل کولنز فائنل میں پہنچ گئیں
-
کپتانی صرف فیلڈ تک محدود ذمہ داری نہیں ہوتی، شان مسعود
-
آل پاکستان رمضان کپ باسکٹ بال ٹورنامنٹ کے مقابلے اسلام آباد میں جاری
-
ارجنٹائن کے اسٹارفٹبالرلیونل میسی نے اپنی عمر کی وجہ سے ریٹائرمنٹ کا امکان مسترد کردیا
-
لندن،انگلش پریمیئر لیگ کے دلچسپ مقابلے جاری،لیگ میں کل مزید 7 میچوں کا فیصلہ ہوگا
-
آئی پی ایل 2024ء: وریندر سہواگ نے ایم ایس دھونی کو ’بزرگ‘ کہہ دیا
-
افغان سپنر مجیب الرحمان انجری کے باعث آئی پی ایل سے باہر
-
کبھی کبھی سوچتا ہوں کیا آئی پی ایل کرکٹ بھی ہے؟، روی ایشون کی اشتہاری شوٹ کرنے والے کھلاڑیوں پر تنقید
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.