میگا ایونٹ ٹی ٹونٹی ورلڈ کپ کی ٹرافی کی لاہور میں تقریب رونمائی ،کل بنگلہ دیش کے لئے روانہ ہو گی
ٹرافی کی جمخانہ کرکٹ کلب گراؤنڈ ،کنیرڈ کالج اور قذافی اسٹیڈیم میں رونمائی کی گئی ،نجم سیٹھی ،سبحان احمد ،رچرڈ ریمنڈ ،ثناء میر اور دیگر کی شرکت
منگل 12 جنوری 2016 19:31
لاہور( اُردو پوائنٹ اخبارتازہ ترین - این این آئی۔12 جنوری۔2016ء ) انٹر نیشنل کرکٹ کونسل کے میگا ایونٹ ٹی ٹونٹی ورلڈ کپ کی ٹرافی کی لاہور میں تقریب رونمائی ہوئی ۔پشاور سے لاہور پہنچنے پر ٹرافی کی سب سے پہلے باغ جناح میں تاریخی جمخانہ کرکٹ کلب گراؤنڈ میں تقریب رونمائی ہوئی جہاں پاکستان کرکٹ بورڈ کی ایگزیکٹوکمیٹی کے چیئرمین نجم سیٹھی ،چیف آپریٹنگ آفیسر سبحان احمد ،آئی سی سی کے نمائندے رچرڈ ریمنڈ اورقومی ویمن کرکٹ ٹیم کی کپتان ثناء میر نے ٹرافی کی رونمائی کی ۔
بعد ازاں ٹی ٹونٹی ورلڈ کپ کی ٹرافی کو کینئر ڈ کالج لاہور لایا گیا جہاں پر قومی ویمن کرکٹ ٹیم کی کپتان ثناء میر اور دیگر کھلاڑیوں نے اس کی رونمائی میں حصہ لیا ۔ اس موقع کھلاڑیوں اور طالبات نے ٹرافی کے ساتھ سیلفیاں بنائیں۔(جاری ہے)
اس کے بعد ٹرافی کو پی سی بی کے ہیڈ کوارٹر قذافی سٹیڈیم لایا گیا جہاں پی سی بی ملازمین اور صحافیوں نے ٹرافی کی پردہ کشائی کی ۔
ٹرافی کو کل لاہور سے بنگلہ دیش لیجایا گیا ۔قبل ازیں میڈیا سے گفتگو کرتے ہوئے نجم سیٹھی نے کہا کہ دورہ نیوزی لینڈ سے کھلاڑیوں کو ورلڈ ٹی ٹونٹی کی تیاری کا موقع ملے گا۔ انہوں نے کہا کہ میگا ایونٹ کی ٹرافی پاکستان آئی ہے ،امید ہے کہ پاکستانی ٹیم اس ایونٹ میں کامیابی حاصل کرے گی اور پاکستانی شائقین اس ٹرافی کو دوبارہ دیکھ سکیں گے ۔انہوں نے کہا کہ ہم آئی سی سی کے بھی مشکور ہیں جنہوں نے ٹی ٹونٹی ورلڈ کپ ٹرافی کے انٹرنیشنل دورہ کو پاکستان کا حصہ بنایا ۔انہوں نے کہاکہ جمخانہ کرکٹ گراؤنڈ ایک تاریخی گراؤنڈ ہیں جہاں پر وزیر اعظم محمد نواز شریف اور تحریک انصاف کے چیئرمین عمران خان کرکٹ کھیلا کرتے تھے ۔آئی سی سی کے نمائندے رچرڈ ریمنڈ نے کہا کہ آئی سی سی ورلڈ ٹی ٹونٹی ٹرافی کا پاکستان لایا جانا ورلڈ ٹور کا حصہ ہے ۔ آج 13جنوری کو ٹرافی کو بنگلہ دیش لے جائیں گے ۔ میڈیا سے گفتگو کرتے ہوئے قومی ویمن کرکٹ ٹیم کی کپتان ثناء میر نے کہا کہ قومی ویمن کرکٹ ٹیم بھارت میں ہونے والے ٹی ٹونٹی ورلڈ کپ میں بہترین پرفارمنس دینے کی کوشش کریں گے اور اس کے لئے بھرپور تیاری بھی کی ہے ۔انہوں نے کہا کہ ورلڈ ٹی ٹونٹی ویمن کے ایونٹ میں سپر ایٹ یا سپر سکس کا مرحلہ نہیں ہوتا بلکہ براہ راست سیمی فائنلز مقابلے ہوتے ہیں اور ہماری کوشش ہے کہ اس بار بھرپو رکوشش ہو گی کہ راؤنڈ میچز سے آگے بڑھا جائے ۔انہوں نے کہا کہ ٹرافی کی پاکستان میں تقریب رونمائی سے نوجوان کرکٹرز کی حوصلہ افزائی ہوگی او ر ان میں میں ایک جذبہ پیدا ہوگا۔انہوں نے ایک سوال پر کہا کہ آئی سی سی اور پی سی بی کا ٹی ٹونٹی ورلڈ کپ کی ٹرافی کو آرمی پبلک سکول لے جانا قابل تعریف اقدام ہے ۔مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.