مسلم امة کے مسائل کے حل کیلئے پاکستان کا کردار اہم ہے‘ وزیر اعظم کے دورہ سعودی عرب اور ایران کا خیر مقدم
سعودی عرب اور ایران کے درمیان پیدا ہونے والے مسائل کا حل تلاش کرنے کی کوشش کرنا درست سمت قدم ہے ، مسلم امة انتہاء پسندی ، دہشت گردی سے باہمی اتحاد سے ہی نجات حاصل کر سکتی ہے‘چیئرمین پاکستان علماء کونسل طاہر محمود اشرفی
ہفتہ 16 جنوری 2016 16:53
لاہور ( اُردو پوائنٹ اخبارتازہ ترین - این این آئی۔16 جنوری۔2016ء) پاکستان علماء کونسل کے مرکزی چیئرمین حافظ طاہر محمود اشرفی نے کہاہے کہ مسلم امة کے مسائل کے حل کیلئے پاکستان کا کردار اہم ہے ، مسلم امة انتہاء پسندی ، دہشت گردی سے باہمی اتحاد سے ہی نجات حاصل کر سکتی ہے، سعودی عرب کا پاکستان کے ساتھ تقدس ، احترام اور دوستی کا رشتہ ہے جبکہ ایران ہمارا پڑوسی ہے ،سعودی عرب اور ایران کے درمیان پیدا ہونے والے مسائل کا حل تلاش کرنے کی کوشش کرنا درست سمت قدم ہے ،پاکستان علماء کونسل وزیر اعظم کے دورہ سعودی عرب اور ایران کا خیر مقدم کرتی ہے ۔
اپنے ایک بیان میں حافظ محمد طاہر محمود اشرفی نے نے کہا کہ 2016ء کے آغاز سے ہی عالم اسلام کے مختلف ممالک میں ہونے والے دہشت گردی کے واقعات پوری مسلم دنیا کیلئے تشویشناک اور کربناک ہیں۔(جاری ہے)
ان حالات میں دہشت گردی اور انتہاء پسندی کے خلاف قائم ہونے والے اتحاد کو مضبوط کرنا اور مختلف اسلامی ممالک کے درمیان پیدا ہونے والے مسائل کے حل کیلئے کوشش کرنا ملت اسلامیہ کی امنگوں کی ترجمانی ہے ۔
انہوں نے کہا کہ سعودی عرب کے دفاع اور سلامتی کے معاملے پر پاکستان کبھی غافل نہیں رہ سکتااور سعودی عرب کے وزیر خارجہ اور نائب ولی عہد نے اپنے دورے کے دوران ایران کے معاملات پر جن امور کی نشاندہی کی تھی پاکستان کی قیادت دورہ سعودی عرب اور ایران کے دوران ان معاملات کی اصلاح کیلئے اپنا کردار ادا کرنے کی کوشش کرے گی۔ انہوں نے کہا کہ وزیر اعظم محمد نواز شریف کے دورے کے دوران چائنہ کے وزیر اعظم کا بھی سعودی عرب میں ہونا اس بات کا واضح اظہار ہے کہ دہشت گردی اور انتہاء پسندی کے خلاف بننے والے اتحاد میں چائنہ بھی اپنا کردار ادا کرے گا، اور پاکستان ، چائنہ اور سعودی عرب کے تعلقات میں مزید استحکام آئے گا۔ انہوں نے کہا کہ گذشتہ ایک سال کے دوران موجودہ سعودی قیادت نے عالمی دنیا کے ساتھ معاملات میں بہتری لانے کیلئے جو اقدامات کیے ہیں وہ قابل قدر اور قابل ستائش ہیں۔متعلقہ عنوان :
مزید اہم خبریں
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
-
سارا پیسہ سرکاری تنخواہوں میں دیتے رہیں گے؟ عوام کو کچھ نہیں مل رہا، چیف جسٹس
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.