عمران خان جانے انجانے میں شہبازشریف کی شاگردی کر رہے ہیں‘زعیم قادری
عوام کی سہولت کے لئے پلوں اور سڑکوں پر تنقید کرنے والے آج شہبازشریف کی تقلید کرنے پر مجبور ہو چکے ہیں تحریک انصاف کے رہنما چاہیں تو مشورہ اور رہنمائی فراہم کرنے کے لئے تیار ہیں‘رکن پنجاب اسمبلی
پیر 18 جنوری 2016 22:11
لاہور(اُردو پوائنٹ اخبارتازہ ترین - این این آئی۔18 جنوری۔2016ء ) پنجاب اسمبلی کے رکن سیدزعیم حسین قادری نے کہا ہے کہ عوام کی سہولت کے لئے بنائے گئے پلوں اور سڑکوں پر تنقید کرنے والے آج شہبازشریف کی تقلید کرنے پر مجبور ہو چکے ہیں۔ عمران خان جانے انجانے میں شہبازشریف کی شاگردی کر رہے ہیں۔ سیدزعیم حسین قادری نے عمران خان کے بیان پر تبصرہ کرتے ہوئے کہا کہ سڑکوں‘ پلوں اور فلائی اوورز بنانے پر تنقید کرنے والے آج ایک چھوٹے سے منصوبے پر اترا رہے ہیں۔
حالانکہ سڑکیں‘ پل‘ فلائی اوور‘ انڈرپاس اور دیگر تعمیرات عوام کی ضرورت اور سہولت کو مدنظر رکھ کر بنائے جاتے ہیں۔ ان کی تعمیرات پر تنقید بیمار ذہنیت کی عکاسی کرتی ہے۔ جو لوگ سڑکیں اور پل بنانے پر تنقید کیا کرتے تھے آج خود یہی کام کرنے پر مجبور ہو چکے ہیں کیونکہ یہی وقت کی ضرورت ہے۔(جاری ہے)
اس سلسلے میں تحریک انصاف کے رہنما شہبازشریف سے رہنمائی اور مشورہ حاصل کر سکتے ہیں۔
سیدزعیم حسین قادری نے کہا کہ حکومت پنجاب ملکی تاریخ میں پہلی مرتبہ دیہی سڑکوں کی تعمیرو مرمت کا میگاپراجیکٹ شروع کر چکی ہے جس کے تحت صوبہ بھر کے دیہات میں سڑکوں کی تعمیر‘ مرمت اور کشادگی کی جائے گی۔ جس سے نہ صرف دیہات میں رہنے والے عوام کوآمدورفت میں سہولت ہو گی بلکہ کھیت سے منڈی تک آسان رسائی سے پیداوار کی بہتر قیمت وصول ہو گی اور پھلوں و سبزیوں کا معیار بھی بہتر ہو گا۔ سیدزعیم حسین قادری نے کہا کہ مسلم لیگ (ن) کی حکومت عوامی ضروریات کے تحت تعمیرو ترقی کے پروگرام پر عمل پیرا ہے۔ پروگرام کی کامیابی کا اندازہ اس بات سے لگایا جا سکتا ہے کہ مخالفین بھی اس کی تقلید کرنے پر مجبور ہو چکے ہیں۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.