اسلام امن اور سلامتی کا درس دیتا ہے،دہشت گردی کا اسلام سے کوئی تعلق نہیں‘حافظ حبیب الرحمن
جمعہ 22 جنوری 2016 16:12
لاہور( اُردو پوائنٹ اخبارتازہ ترین - این این آئی۔22 جنوری۔2016ء)مرکزی جمعیت اہل حدیث برطانیہ کے سیکرٹری جنرل حافظ حبیب الرحمن نے کہا ہے کہ اسلام امن اور سلامتی کا درس دیتا ہے،اس وقت دنیا کو سب سے بڑا درپیش چیلنج دہشت گردی ہے،دہشت گردی کا اسلام سے کوئی تعلق نہیں۔ان خیالات کا اظہار انہوں نے مرکز اہل حدیث راوی روڈ کی جامع مسجد میں جمعہ کے اجتماع سے خطاب کرتے ہو ئے کیا۔
انہوں نے چارسدہ باچا خاں یونیورسٹی پر دہشت گردوں کے حملے کی مذمت کی اور کہا کہ تعلیمی اداروں کو قتل گاہیں بنانے والے تعلیم کے دشمن ہیں اور قوم کو جہالت کے اندھیروں میں رکھنا چاہتے ہیں۔پاکستان کو کمزور کرنے کے لیے دشمن کی سازشیں جاری ہیں، پاکستا ن کمزور ہو گا تو دنیا پھر کے مسلمان کمزور ہو نگے۔(جاری ہے)
پاکستان میں مسلمانوں اور بے گناہ لوگوں پر خود کش حملے کرنے والے گمراہ لوگ ہیں جن کا دین اسلام کے ساتھ کوئی تعلق اور واسطہ نہیں ہے۔
نفاق سے بچنا، قتل و غارت گری سے ہاتھ روکنا اور اپنی روز مرہ زندگی میں اتحاد و یگانگت کا مظاہرہ کرنا ہر مسلمان کا فرض ہے۔ جذبہ خیر سگالی کے بغیر قیام امن کی ہر کوشش ناکام رہتی ہے اس لئے قومی اور بین الاقوامی سطح پر رواداری کے جذبات کی ترویج اور وسیع پیمانے پر اس کی تشہیر آج کے انسان کی بھی بنیادی ضرورت ہے۔ انہوں نے کہا کہ نبوی انقلاب رحمت صحیح معنوں میں انقلاب تھا جو انسانی زندگی میں خوشگوار تبدیلیوں کا باعث بنا اور جس کے ثمرات سے بنی نوع انسان رہتی دنیا تک فیض یاب ہوتی رہے گی جس نے فرد کے اندر بھی انقلاب برپا کیا۔فتح مکہ کے وقت حضور چاہتے تو ایک ایک ظلم کا بدلہ لے سکتے تھے۔ ایک ایک زیادتی کا جواب دیا جا سکتا تھا لیکن حضور جنہیں کل جہانوں کیلئے رحمت بنا کر بھیجا گیا تھا نے عام معافی کا اعلان کر کے تاریخ کو ورطہ حیرت میں ڈال دیا حتی کہ اپنے خون کے ”پیاسوں“ کو بھی معاف کر دیا، ذاتی انتقام کا ہر تصور ہوا میں” تحلیل“ ہو کر رہ گیا۔ مقابلہ نہ کرنے والوں سے’ ’تعرض “نہ کیا گیا۔ اسلامی عساکر کے سالار کو ہدایت جاری ہوئیں کہ بچوں، بوڑھوں اور عورتوں اور مذہبی راہنماوں پر ہاتھ نہ اٹھایا جائے۔ نبی رحمت نے اپنے دائمی امن کی بنیاد رکھی۔ ہم اسوہ رسول پر عمل کرکے دہشت گردی کاخاتمہ کرسکتے ہیں۔مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.