معذورخواتین کیلئے پارلیمنٹ میں مخصوص نشستیں ہونا ضروری ہیں ، معاشرے میں عدم برداشت اور مادہ پرستی کا رحجان بڑھا ہے، ہم بڑی بڑی عمارتیں کھڑی کرنے پر تو اربوں روپے لگا دیتے ہیں ، ہسپتال ،ہوٹل، مارکیٹوں اور پارلیمنٹ میں معذور افراد کو سہولت دینے کیلئے مخصوص راستے نہیں بنا ئے
چیئرمین سینیٹ میاں رضا ربانی کا معذور خواتین کے کردار پر منعقدہ ایشیائی کانفرنس سے خطاب
جمعہ 22 جنوری 2016 18:46
اسلام آباد(اُردو پوائنٹ اخبارتازہ ترین - آئی این پی۔22 جنوری۔2016ء) چیئرمین سینیٹ میاں رضا ربانی نے کہا ہے کہ معذورخواتین کیلئے پارلیمنٹ میں مخصوص نشستیں ہونا ضروری ہیں،تاکہ معاشرے کے تمام طبقات کو پارلیمنٹ میں نمائندگی ملے اور انہیں احساس دلایا جا سکے کہ انکے حقوق کے تحفظ کیلئے پارلیمان موجود ہے،ہمارے معاشرے میں عدم برداشت اور مادہ پرستی کا رحجان بڑھا ہے، ہم بڑی بڑی عمارتیں کھڑی کرنے پر تو اربوں روپے لگا دیتے ہیں تا ہم ہمارے اکثر ہسپتال ،ہوٹل،مارکیٹیں اور یہاں تک کہ پارلیمنٹ میں معذور افراد کو سہولت دینے کیلئے مخصوص راستے نہیں بنا تے۔
وہ جمعہ کو یہاں نے سسٹین ایبل ڈویلپمنٹ گولز(SDGs)پر عمل درآمد میں معذور خواتین کے کردار پر منعقدہ ایشیائی کانفرنس کے افتتاحی اجلاس سے بطور مہمان خصوصی خطاب کر رہے تھے ۔(جاری ہے)
چیئر مین سینیٹ نے کہا کہ معذورخواتین کیلئے پارلیمنٹ میں مخصوص نششتیں ہونا ضروری ہے تاکہ معاشرے کے تمام طبقات کو پارلیمنٹ میں نمائندگی ملے اور انہیں یہ احساس دلایا جا سکے کہ انکے حقوق کے تحفظ کیلئے پارلیمان موجود ہے ۔
انہوں نے کہا کہ اس قدام سے پارلیمنٹ اور جمہوریت پر مثبت اثرات مرتب ہونگے۔چیئرمین سینیٹ نے کہا کہ ہم اس مقصد کے حصول میں آپ کے ساتھ کھڑے ہیں۔انھوں نے کہا کہ بدقسمتی سے ہمارے معاشرے میں عدم برداشت اور مادہ پرستی کا رحجان بڑھا ہے اور اسی وجہ سے پسے ہوئے محروم طبقے کے مسائل حل نہیں کئے گئے۔انہوں نے کہا کہ ہم بڑی بڑی عمارتیں کھڑی کرنے پر تو اربوں روپے لگا دیتے ہیں تا ہم ہمارے اکثر ہسپتال ،ہوٹل،مارکیٹیں اور یہاں تک کہ پارلیمنٹ میں معذور افراد کو سہولت دینے کیلئے مخصوص راستے نہیں بنائے گئے۔انہوں نے کہا کہ یہ فنڈز کی فراہمی یا عدم فراہمی کا سوال نہیں بلکہ یہ ہماری ترجیح نہیں رہی۔جبکہ دنیا کی دیگر دوسری قوموں نے اس پر خصوصی توجہ دی ہے اور معذور افراد کو برابر کاشہری جانا ہے۔انہوں نے منتظمین کانفرنس کو مخاطب کرتے ہوئے کہا کہ آپ کا مسئلہ ہمارا مسئلہ ہے اور میں پارلیمنٹ میں خواتین کی مخصوص نششتوں کی بھرپور حمایت کرتا ہوں۔انہو ں نے یقین دلایا کہ اس سلسلے میں پہلے قدم کے طور پر وہ پارلیمنٹ میں معذور افراد کیلئے مخصوص ریمپس بنوائینگے۔یاد رہے کہ اس اہم کانفرنس میں جنوبی ایشیا کی معزور خواتین کی ایک بڑی تعداد شریک ہے جس میں SDGsکا تفصیلی جائزہ لیا گیا ۔اس بین الا اقوامی کانفرنس کاا ہتمام ساؤتھ ایشین ڈس ایبلٹی فورم نے کیا ہے۔چیئرمین سینیٹ نے اس اہم کانفرنس کے انعقاد پر منتظمین کو داد بھی دیمزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.