رنبیر کپور اور قطرینہ کیف میں علیحدگی کی وجہ عالیہ بھٹ

ہفتہ 23 جنوری 2016 14:00

رنبیر کپور اور قطرینہ کیف میں علیحدگی کی وجہ عالیہ بھٹ

ممبئی(اُردو پوائنٹ اخبارتازہ ترین - آئی این پی۔23 جنوری۔2016ء) بولی ووڈ کی معروف جوڑی رنبیر کپور اور قطرینہ کیف کی علیحدگی کی خبریں آجکل زبان زد عام ہیں۔سپاٹ بوائے ڈاٹ کام کی رپورٹ کے مطابق جوڑے کے درمیان جھگڑے کا آغاز چند ماہ قبل معروف بھارتی فلمساز امتیاز علی کے گھر ہوا۔ چند ماہ قبل امتیاز علی نے ایک پروجیکٹ پربات چیت کیلئے رنبیر کپور ،قطرینہ کیف اور عالیہ بھٹ کو مدعو کیا۔

(جاری ہے)

ویب سائٹ کی رپورٹ کے مطابق مذکورہ ملاقات کے دوران رنبیر کپور عالیہ بھٹ کے ساتھ ضرورت سے ذیادہ فری ہونے کی کو شش کرتے رہے جس پر قطرینہ کیف نے انھیں خاصی جھاڑ پلائی۔ بعد ازاں قطرینہ کیف کی یہی کو شش ہوتی جن تقریبات میں عالیہ بھٹ کو مدعو کیا گیا ہو وہ وہاں رنبیر کپور کے ہمراہ شرکت نہ کریں۔علا وہ ازیں جب انھیں عالیہ سے ذیادہ ہی خطرہ محسو س ہونے لگا تو انھوں نے اپنے دوست آیان مکھرجی سے درخواست کر کے انکی فلم سے رنبیر کپور کے مقابل عالیہ بھٹ کو کٹ کرا دیا۔یاد رہے گزشتہ رپورٹس کے مطابق رنبیر کپور کی سابق گرل فرینڈ دیپکا پڈکون کو جوڑے کے درمیان جھگڑے کی وجہ بیان کیا گیا تھا