وزیر اعظم یو تھ بزنس لون سکیم : چھوٹے صوبوں کیساتھ امتیازی سلوک

ہفتہ 23 جنوری 2016 16:46

اسلام آباد(اُردو پوائنٹ اخبارتازہ ترین - آن لائن۔23 جنوری۔2016ء)وفاقی حکومت نے وزیر اعظم یو تھ بزنس لون سکیم میں بھی چھوٹے صوبوں کے ساتھ امتیازی سلوک برتنا شروع کر دیا وزیر اعظم یو تھ بزنس لون سکیم کے تحت 5ارب79کروڑ77لاکھ روپے کے قرضوں میں سے 4ارب29کروڑ روپے پنجاب میں تقسیم کرنے کا انکشاف ہوا ہے جبکہ پسماندہ ترین علاقے بلوچستان اور آزاد کشمیر کے لوگوں کو بہت کم رقم دی گئی ہے ذرائع کے مطابق حکومت کو وزیر اعظم یو تھ بزنس لون سکیم کے تحت 60ہزار درخواستیں موصول ہو چکی ہیں حکومت نے ان میں سے 15ہزار لوگوں کو قرضے کے لیے منتخب کیا ہے جن میں سے بھی 6500افراد کو قرضے دیے گیے ہیں اس ضمن میں آن لائن کے پاس دستیاب دستاویزات کے مطابق وزیر اعظم یو تھ بزنس لون اسکیم کے تحت 2015 تک جاری کیے گیے5ارب79کروڑ77لاکھ روپے کے قرضوں میں سے 4ارب29کروڑ روپے پنجاب میں ہی بانٹ دیے گئے ہیں جبکہ سندھ میں اب تک 43کروڑ97لاکھ ،خبیرپختنواہ میں69کروڑ84لاکھ،بلوچستا ن میں1کروڑ 87لاکھ،آزاد جموں کشمیر میں9کروڑ روپے ،گلگت ببلتستان میں2کروڑ89لاکھ اور وفاقی دالحکومت 12کروڑ تقسیم کیے گیے ہیں اس اسکیم کے تحت نیشنل بنک و دیگر بنکوں کو اب تک 60ہزار کے قریب دوخواستیں وصول ہوئی ہیں حکومت نے اس اسکیم کے لیے اہلیت کا معیار رکھا ہے جس کے تحت قرضہ حاصل کرنے کی عمر 21سے 45سال ،قومی شناختی کارڈ کا حامل اور کاروباری حلاحیت کا حامل ہو اس اسکیم میں خواتین کا کوٹہ 50فیصد رکھا گیا ہے ۔