عوام کوعلاج معالجہ کی یکساں سہولیات کی فراہمی حکومت کی اولین ترجیح ہے،خواجہ سلمان رفیق
ای ڈی اوز ہیلتھ ضلع کی سطح پر ہیلتھ ڈلیوری سسٹم کے سب سے بڑے سٹیک ہولڈرہیں،مشیر وزیر اعلیٰ پنجاب
ہفتہ 23 جنوری 2016 19:50
لاہور(اُردو پوائنٹ اخبارتازہ ترین - آن لائن۔23 جنوری۔2016ء) مشیر وزیراعلی پنجاب برائے صحت خواجہ سلمان رفیق نے کہاہے کہ صوبے کے عوام کو علاج معالجہ کی یکساں سہولیات کی فراہمی حکومت کی اولین ترجیح ہے جس کے لئے ٹھوس عملی اقدامات جاری ہیں-انہوں نے کہاکہ ای ڈی اوز ہیلتھ ضلع کی سطح پر ہیلتھ ڈلیوری سسٹم کے سب سے بڑے سٹیک ہولڈر ہیں او رانہیں اپنی انتظامی صلاحیتوں کو بروئے کار لاتے ہوئے ہیلتھ کیئر ڈلیوری سسٹم کو بہتر بنانے میں اہم کردارادا کرنا چاہیے-انہوں نے یہ بات آج ڈائریکٹر جنرل ہیلتھ پنجاب کے کمیٹی روم میں تمام ا ضلاع کے ای ڈی اوز ہیلتھ کی ماہانہ کانفرنس کی صدارت کرتے ہوئے کہی-اجلاس میں سیکرٹری پرائمری اینڈ سکینڈری ہیلتھ کیئر علی جان خان، ایڈیشنل سیکرٹری (ایڈمن) عدنان ظفر، ایڈیشنل سیکرٹری ڈویلپمنٹ سلمان غنی، ڈائریکٹر جنرل ہیلتھ ڈاکٹر امجد شہزاد،تمام اضلاع کے ای ڈی اوز صحت ، تمام ہیلتھ پروگرام ڈائریکٹرز ،انٹرنیشنل پارٹنرز کے نمائندوں اور چیف منسٹر ہیلتھ روڈ میپ ٹیم کے ارکان نے شرکت کی-چیف منسٹر ہیلتھ روڈ میپ ٹیم نے بنیادی مراکز صحت، دیہی مراکز صحت، ضلع و تحصیل ہسپتالوں میں ڈاکٹرز ، نرسز اور دیگر طبی عملہ کی حاضری اور ادویات کی فراہمی کے حوالے سے رپورٹ پیش کی-اجلاس کو بتایا گیا کہ موثر مانٹیرنگ کے نظام کی وجہ سے پرائمری اینڈ سکینڈری ہیلتھ کیئر کے انڈیکٹرز میں نمایاں بہتری آئی ہے- ادویات کی دستیابی اور ڈاکٹر ز کی حاضری کی وجہ سے عوام کو بہتر طبی سہولیات میسر آرہی ہیں او ر700بنیادی مراکز صحت پر 7/24 پروگرام کے تحت 24گھنٹے لیبر روم کی سہولت سے سیف ڈلیوریز کے کلچر کو فروغ مل رہاہے -اجلاس میں دسمبر 2015 کی پولیو مہم کے بارے فیڈ بیک اور یونین کونسلوں کی سطح پر روٹین ایمونائزیشن کا جائزہ لیا گیا-اجلاس میں ایچ ون ،این ون انفلیوئنزا اور ڈینگی سرویلنس کی سرگرمیوں اور آئندہ سیزن میں اقدامات پر تفصیلی تبادلہ خیال کیاگیا-اجلاس میں ہیلتھ ایجوکیشن اور ہاسپیٹل ویسٹ مینجمنٹ کے اقدامات کا بھی جائزہ لیا گیا-مشیر صحت خواجہ سلمان رفیق نے اتوار کے دن تمام ٹیچنگ ہسپتالوں اور ڈسٹرکٹ اینڈ تحصیل ہیڈ کوارٹرز ہسپتالوں کے سیزنل انفلیوئنزا کے لئے مقررکردہ فوکل پرسن کا اجلاس صبح 10.00بجے طلب کر لیاہے-
متعلقہ عنوان :
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.