افغان طالبان نے امن مذاکرات میں شمولیت عالمی پابندیاں ہٹانے سے مشروط کردی
عالمی رہنماؤں کو یہ پیغام پہنچا دیا وہ پہلے ہمیں اقوام متحدہ کی بلیک لسٹ سے نکالیں ، آزادی کیساتھ سفر کی اجازت دیں، اس کے بعد مذاکراتی عمل میں شمولیت کے بارے میں سوچیں گے،طالبان رہنما
اتوار 24 جنوری 2016 13:23
دوحہ(اُردو پوائنٹ اخبارتازہ ترین - آن لائن۔24 جنوری۔2016ء) افغان طالبان نے ”افغان امن مذاکرات“ میں شمولیت کو اقوام متحدہ کی بلیک لسٹ سے ان کا نام نکالنے سے مشروط کردیا ۔غیر ملکی خبررساں ادارے کے مطابق قطر میں ایک غیر سرکاری فورم پر افغان حکومتی نمائندوں سے ہونے والی ملاقات کے دوران طالبان نے افغان مذاکراتی عمل میں شمولیت کو اقوام متحدہ کی بلیک لسٹ سے ان کا نام نکالے جانے سے مشروط کردیا ہے۔
غیر ملکی خبررساں ادارے سے گفتگو کرتے ہوئے ایک طالبان رہنما نے کہا کہ ہم نے عالمی رہنماؤں کو یہ پیغام پہنچا دیا ہے کہ وہ پہلے ہمیں اقوام متحدہ کی بلیک لسٹ سے نکالیں اور ہمیں آزادی کے ساتھ سفر کی اجازت دیں اور اس کے بعد ہم مذاکراتی عمل میں شمولیت کے بارے میں سوچیں گے۔(جاری ہے)
طالبان کے ترجمان ذبیح اللہ مجاہد کا کہنا تھا کہ مذکورہ اجلاس افغانستان کے مستقبل کے بارے میں ہمارے خیالات کا اظہار کرنے کا موقع فراہم کر رہا ہے۔
افغان حکومت نے اس ملاقات کیلئے سرکاری عہدیدار کو روانہ نہیں کیا ہے بلکہ ایک مشیر ملالائی شنواری اور سابق وزیر داخلہ عمر داودزئی کو بھیجا گیا ہے۔میڈیا رپورٹس کے مطابق دوحہ مذاکرات میں شامل افغانستان کے سابق وزیر خزانہ انور احادے کا کہنا تھا کہ براہ راست مذاکرات میں شمولیت کیلئے طالبان نے خواہش کا اظہار نہیں کیا۔انھوں نے کہا کہ 'اب تک انھوں نے عمل کو آگے بڑھانے کے لیے ٹھوس تجاویز پیش نہیں کیں ہیں، تاہم اْمید ظاہر کی جارہی ہے کہ کل وہ اس بات کا ظہار کریں گے کہ کیا وہ امن چاہتے ہیں اور اگر چاہتے ہیں تو ان کی شرائط کیا ہونگی۔واضح رہے کہ گزشتہ کئی ماہ سے افغانستان میں جاری خوف ناک لڑائی کے بعد افغانستان اور اس کے ہمسایہ ممالک کی جانب سے مشکلات کا شکار افغان امن مذاکراتی عمل کی بحالی کیلئے کوششیں کی جارہی ہیں۔ دسمبر 2014 میں امریکی اور نیٹو فورسز کے بڑی تعداد میں افغانستان سے انخلاء کے بعد طالبان نے جنگ کے میدان میں تیزی سی اپنی موجودگی کا احساس دلوانا شروع کردیا ہے۔متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.