این اے 122 مبینہ دھاندلی سے متعلق عبدالعلیم خان کی درخواست ناقابل سماعت قرار ‘ الیکشن ٹربیونل نے فیصلہ سنا دیا
الیکشن ٹریبونل نے ہمیں سننے سے انکارکردیا،دھاندلی کے خلاف ہر سطح پر جدوجہد جاری رہے گی،این اے 122میں ہزاروں ووٹ منتقل کئے گئے ،انصاف کیلئے ہر دروازہ کھٹکھٹائیں گے، پی ٹی آئی رہنما کی میڈیا سے گفتگو
منگل 26 جنوری 2016 18:01
لاہور ( اُردو پوائنٹ اخبارتازہ ترین - این این آئی۔26 جنوری۔2016ء) الیکشن ٹریبونل لاہور نے قومی اسمبلی کے حلقہ این اے 122 میں مبینہ دھاندلی سے متعلق تحریک انصاف کے امیدوار عبدالعلیم خان کی درخواست ناقابل سماعت قرار دیتے ہوئے خارج کردی،پی ٹی آئی رہنما علیم خان نے ٹریبونل کے فیصلے کے خلاف سپریم کورٹ سے رجوع کرنے کا اعلان کرتے ہوئے کہا ہے کہ الیکشن ٹریبونل نے ہمیں سننے سے انکارکردیا،دھاندلی کے خلاف ہر سطح پر جدوجہد جاری رہے گی،این اے 122میں ہزاروں ووٹ منتقل کئے گئے ،انصاف کیلئے ہر دروازہ کھٹکھٹائیں گے۔
منگل کو الیکشن ٹربیونل لاہور کے جج جسٹس (ر) رشید قمر نے این اے 122ء کے انتخاب میں مسلم لیگ (ن)کے سردار ایاز صادق کے خلاف مبینہ دھاندلی کے سلسلے میں تحریک انصاف کے علیم خان کی درخواست کی سماعت کی۔(جاری ہے)
درخواست گزار علیم خان کی جانب سے موقف اختیار کیا گیا تھا کہ سردار ایازصادق این اے 122 میں دھاندلی سے کامیاب ہوئے ہیں اور پولنگ سے قبل این اے 122کے حلقے میں دوسرے حلقوں سے 30ہزا ر سے زائد ووٹ منتقل کیے گئے ہیں جس کے ثبوت بھی موجود ہیں۔
جبکہ سردار ایازصادق کی جانب سے علیم خان کے وکیل کے تمام الزامات مسترد کردئیے گئے تھے ، سردار ایاز صادق کی جانب سے موقف اختیار کیا گیا تھا کہ محض الزامات کی بنیاد پر نتائج کالعدم قرار نہیں دئیے جا سکتے لہٰذا درخواست کو ناقابل سماعت قرار دیا جائے ۔تاہم الیکشن ٹربیونل نے این اے 122 لاہور میں مبینہ دھاندلی کے خلاف درخواست کو ناقابل سماعت قرار دیتے ہوئے درخواست مسترد کر دی ۔الیکشن ٹربیونل نے منگل کو اپنا مختصر فیصلہ سناتے ہوئے کہا کہ علیم خان نے ووٹرز کی غیر قانونی منتقلی سے متعلق کوئی ثبوت فراہم نہیں کیا۔محض الزامات کی بنیاد پر کسی بھی حلقے کے نتائج کو کالعدم قرار نہیں دیا جاسکتا۔ دوسری طرف تحریک انصاف کے رہنما علیم خان نے الیکشن ٹریبونل دھاندلی کے خلاف لڑیں گے ہر دروازہ کھٹکھٹائیں گے،الیکشن ٹریبونل نے ہمیں سننے سے انکار کردیا ہم کہاں جائیں،الیکش ٹریبونل سے تفصیلی فیصلہ آنے کے بعد سپریم کورٹ سے رجوع کریں گے،ایازصادق قومی اسمبلی کے دوسری مرتبہ جعلی سپیکر بنے،سمجھ نہیں آتی کہ عوامی مینڈیٹ رکھنے والوں کو ڈر کس بات کا ہے،ضمنی انتخاب میں دھاندلی نہ ہوتی تو میں چالیس ہزارووٹ سے جیت جاتا ۔واضح رہے کہ 2013ء کے عام انتخابات میں این اے 122ء سے مسلم لیگ (ن) کے سردار ایاز صادق ، پی ٹی آئی چیئرمین عمران خان کو شکست دے کر رکن قومی اسمبلی منتخب ہوئے تھے تاہم الیکشن میں دھاندلی کے الزامات پر ان کی کامیابی کالعدم قرار دے کر دوبارہ انتخابات کا حکم دیا گیا تھا۔بعد ازاں 11اکتوبر 2015ء کو ضمنی انتخابات میں مسلم لیگ (ن) کے سردار ایاز صادق اور پی ٹی آئی کے عبدالعلیم خان کے درمیان سخت مقابلہ ہوا اور ایک بار پھر سردار ایاز صادق نے فتح حاصل کی اور پی ٹی آئی کی طرف سے دھاندلی کا الزام لگایا گیا۔متعلقہ عنوان :
مزید اہم خبریں
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.