مسلسل نظر انداز کئے جانے پر دلبرداشتہ عمران فرحت نے انٹرنیشنل کرکٹ سے ریٹائرمنٹ کا فیصلہ کرلیا

آخری مرتبہ فروری 2013 میں جنوبی افریقا کے خلاف ٹیسٹ میچ میں قومی ٹیم کی نمائندگی کی تھی

بدھ 27 جنوری 2016 22:43

مسلسل نظر انداز کئے جانے پر دلبرداشتہ عمران فرحت نے انٹرنیشنل کرکٹ ..

لاہور(اُردو پوائنٹ اخبارتازہ ترین - آن لائن۔27 جنوری۔2016ء) قومی ٹیم کے اوپننگ بلے باز عمران فرحت نے مسلسل نظرانداز کئے جانے کے بعد عالمی کرکٹ سے ریٹائرمنٹ کا فیصلہ کرلیا۔بائیں ہاتھ سے کھیلنے والے 32 سالہ بیٹسمین عمران فرحت کافی عرصے سے ٹیم میں جگہ نہیں بنا پارہے تھے جس کے باعث انہوں نے عالمی کرکٹ کو خیرباد کہنے کا فیصلہ کرلیا۔

(جاری ہے)

عمران فرحت نے آخری مرتبہ فروری 2013 میں جنوبی افریقا کے خلاف ٹیسٹ میچ میں قومی ٹیم کی نمائندگی کی تھی جب کہ برمنگھم میں جنوبی افریقا کے خلاف 2013 میں انہوں نے آخری ون ڈے میچ کھیلا تھا جس کے بعد سے وہ ٹیم میں جگہ نہ بنا سکے۔

عمران فرحت نے اپنے کیرئیر میں 40 ٹیسٹ میچز میں 3 سنچریوں اور 14 نصف سنچریوں کی بدولت 32 کی اوسط سے 2400 رنزبنائے جب کہ انہوں نے 58 ایک روزہ میچز میں قومی ٹیم کی نمائندگی کی جس میں انہوں ے 30.69 کی اوسط سے ایک ہزار 719 رنز بنائے جس میں ایک سنچری اور 13 نصف سنچریاں شامل ہیں۔ محدود اوورز کی طرز کی کرکٹ میں عمران فرحت نے 7 ٹی ٹوئنٹی میچز میں قومی ٹیم کے لئے 76 رنز بنائے۔ ۔

Facebook Twitter Google + Share on Whatsapp

مسلسل نظر انداز کئے جانے پر دلبرداشتہ عمران فرحت نے انٹرنیشنل کرکٹ سے ریٹائرمنٹ کا فیصلہ کرلیا

آخری مرتبہ فروری 2013 میں جنوبی افریقا کے خلاف ٹیسٹ میچ میں قومی ٹیم کی نمائندگی کی تھی

متعلقہ عنوان :

مزید کھیلوں کی خبریں