چھوٹی عمر میں اپنی کزن کو محبت نامہ لکھنے پر بہن سے مار پڑی تھی :شعیب ملک

ذیشان مہتاب جمعرات 28 جنوری 2016 11:55

لاہور(اردو پوا ئنٹ تازہ ترین اخبار28جنوری- 2016ء) قومی کرکٹ ٹیم کے تجربہ کار آل راؤنڈر شعیب ملک یوں تو خاموش طبیعت کی شخصیت معلوم ہوتے ہیں تاہم انہوں نے حال ہی میں اپنی پہلی محبت کو خط لکھنے کا انکشاف کرکے اپنے چاہنے والوں کو حیران کر دیا ہے ۔

(جاری ہے)

ایک نجی ٹی وی کے مارننگ شو میں شعیب ملک نے انکشاف کیا کہ انہوں نے بہت چھوٹی عمر میں اپنی کزن کو کچی پنسل سے محبت نامہ لکھا اور وہ صفحہ پھاڑ کر اسے دینے کے لیے اس کے گھر کی جانب چل پڑے تاہم ان کی بہن نے پیچھے سے دوسرے صفحے سے ان کا محبت نامہ پڑھ کر انہیں پکڑ ا اور دو تھپڑ لگانے کے بعد سمجھایا کہ انہوں نے خراب حرکت کی ہے ۔

شعیب ملک کے مطابق اب بھی جب ان کی اپنی اس مذکورہ کزن سے ملاقات ہوتی ہے تووہ اس محبت نامے سے متعلق شکوہ ضرور کرتی ہے ۔

Facebook Twitter Google + Share on Whatsapp

چھوٹی عمر میں اپنی کزن کو محبت نامہ لکھنے پر بہن سے مار پڑی تھی :شعیب ملک

مزید کھیلوں کی خبریں