اداکارہ سنی لیون کے قابل اعتراض مناظر‘سکرپٹ میں تبدیلی

جمعرات 28 جنوری 2016 12:12

ممبئی(اُردو پوائنٹ اخبارتازہ ترین - این این آئی۔28 جنوری۔2016ء) بالی ووڈ میں بولڈ مناظر کی عکس بندی کے حوالے سے مشہور اداکارہ سنی لیون کے فلم ”مستی زادے“ میں قابل اعتراض مناظر اور بے ہودہ جملوں پر اعتراض کے باعث اسکرپٹ میں تبدیلی کی گئی۔

(جاری ہے)

بالی ووڈ اداکارہ سنی لیون نے 2012 میں ریلیز ہونے والی فلم”جسم 2“ سے فلمی کیرئیر کا آغاز کیا جس کے بعد متعدد فلموں میں اداکاری کے جوہر دکھائے جب کہ فلم نگری میں وہ اپنے مخصوص کردار کے باعث ہی شہرت حاصل کرسکی ہیں تاہم اب اداکارہ سنی لیون کی خواہش پر ان کی نئی آنے والی فلم”مستی زادے“ میں قابل اعتراض مناظر اور فحش جملوں کے باعث اسکرپٹ میں تبدیلی کا اعتراف کیا ہے۔

سنی لیون کا اپنے انٹرویو میں کہنا تھا کہ فلم ”مستی زادے“ کے اسکرپٹ میں قابل اعتراض مناظر اور بے ہودہ جملوں پر فلم کے ہدایتکار سے شدید تحفظات کا اظہار کیا تھا جس کے بعد میری خواہش پر فلم کے اسکرپٹ میں تبدیلی کی گئی۔واضح رہے کہ گزشتہ دنوں سنی لیون کی فلم ”مستی زادے“ کے چند مناظرپر بھارتی سنسر بورڈ نے اعتراض لگاکر نمائش کی اجازت نہیں دی تھی ۔

Facebook Twitter Google + Share on Whatsapp

اداکارہ سنی لیون کے قابل اعتراض مناظر‘سکرپٹ میں تبدیلی

متعلقہ عنوان :

مزید فن و فنکار کی خبریں