وزیر داخلہ نے آئی وی آرہیلپ لائن سروس کا افتتاح کردیا
نظام سے صارفین جلد ازجلد شناختی کارڈ اور پاسپورٹ حاصل کرسکیں گے ‘وزیر داخلہ
جمعرات 28 جنوری 2016 16:15
اسلام آباد (اُردو پوائنٹ اخبارتازہ ترین - این این آئی۔28 جنوری۔2016ء) وزیر داخلہ چوہدری نثارعلی خان نے انٹرایکٹو وائس ریسپانس ہیلپ لائن سروس اورموبائل کے ذریعے پاسپورٹ فیس کلیکشن کا باضابطہ طور پر افتتاح کر دیا ‘درخواست دہندہ ملک بھر سے اپنے موبائل سے 9988 نمبر ملا کر پاسپورٹ ، فیس اور دفاتر سے متعلق تمام معلومات حاصل کرسکتا ہے۔ یہ سہولت نیشنل بنک آف پاکستان کے تعاون سے شروع کی گئی ہے ‘ابتدائی طور پر یہ سروس پانچ زبانوں اردو، انگریزی، پشتو، سندھی اور سرائیکی میں شروع کی گئی ہے بعد میں اسے دوسری زبانوں تک توسیع دی جائے گی۔
پہلے مرحلے میں اس سروس کا آغاز اسلام آباد اور راولپنڈی میں ہورہا ہے اوراس سال اسے دوسرے شہروں میں بھی شروع کیا جائے گا۔جمعرات کو ا س موقع پر تقریب سے خطاب کرتے ہوئے چوہدری نثار نے کہاکہ اس نظام سے صارفین شناختی کارڈ اور پاسپورٹ جلد ازجلد حاصل کرسکیں گے ۔(جاری ہے)
چوہدری نثار علی خان نے کہا کہ پاسپورٹ شناختی کارڈ کے حصول میں کسی قسم کی جعل سازی اور کرپشن کو روکنے کے سلسلے میں اقدامات کئے گئے ہیں اور یہ اقدام بھی اسی سلسلے کی کڑی ہے سالہال سے پاسپورٹ اورشناختی کارڈ دفاتر میں عوام ذلیل وخوار ہوتے تھے لیکن آج صورتحال مختلف ہے اگر کچھ لوگوں نے حکومت کے اقدامات سے آنکھیں اور کان بند رکھے ہیں تو وہ یاد رکھیں کہ حکومت عوامی مسائل کے حل کیلئے تمام اقدامات کررہی ہے اس سال کے آخری تک کوئی ایسا ضلع نہیں رہے گا جہاں پاسپورٹ دفتر نہ ہو ۔
گزشتہ ساٹھ سالوں میں کسی نے اس پر کوئی توجہ نہیں دی ای سی ایل میں تیس ‘تیس سالوں سے ہزاروں لوگ تھے پاکستان میں لائسنس کے بغیر این جی اوز سالہال سے کام کررہی تھیں مگر کسی نے نہیں پوچھا انہوں نے کہاکہ ساٹھ سال سے بوٹی مافیا کاقبضہ تھا پاسپورٹ فیس جمع کرانے سے لیکر ڈلیوری تک رشوت وصول کی جاتی تھی ہم نے پاسپورٹ کی مدت پانچ سال سے بڑھا کر دس سال کر دی ہے ارجنٹ پاسپورٹ چار دن اور عام پاسپورٹ دس دنوں میں دیا جاتا ہے ہم نے ہوم ڈلیوری سروس شروع کی ہے میں ان کامیابیوں پر ڈی جی پاسپورٹ اور ان کی ٹیم کو مبارکباد دیتا ہوں یہ بہت اہم سروس ہے اچھی سروس کی تشریح ضروری ہے ۔اس موقع پر ڈی جی پاسپورٹ اور موبی کیش کے حکام کے درمیان بھی ایک معاہدہ ہوا جس کے تحت پاکستان بھر سے شہری موبی کیش کے ذریعے اپنی فیس جمع کروا سکتے ہیں۔متعلقہ عنوان :
مزید اہم خبریں
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.