وزیراعلیٰ کی زیر صدارت اجلاس ، صحت عامہ کی سہولتوں میں بہتری کے لئے ہیلتھ سٹریٹجی کے اہم خدو خال کا جائزہ لیا گیا
وزیر اعلی پنجاب شہباز شریف کا اعلیٰ سطحی اجلاس سے خطاب
جمعرات 28 جنوری 2016 21:26
لاہور(اُردو پوائنٹ اخبارتازہ ترین - آئی این پی۔29 جنوری۔2016ء ) وزیراعلیٰ پنجاب محمد شہباز شریف کی زیر صدارت اعلیٰ سطح کا اجلاس منعقد ہوا جس میں صحت عامہ کی سہولتوں میں بہتری کے لئے ہیلتھ سٹریٹجی کے اہم خدو خال کا تفصیلی جائزہ لیا گیا۔ وزیراعلیٰ محمد شہباز شریف نے اجلاس سے خطاب کرتے ہوئے کہا کہ ہیلتھ سٹریٹجی پنجاب حکومت کی ترقیاتی حکمت عملی کا اہم ترین جزو ہے اورصحت عامہ کی بہترین سہولتوں کی فراہمی کیلئے ہیلتھ سٹرٹیجی پر عملدرآمد کر کے نتائج حاصل کئے جا سکتے ہیں۔
پرائمری و سیکنڈری ہیلتھ کیئر کے ساتھ ہسپتالوں میں علاج معالجے کی بہترین سہولتوں کی فراہمی پر خصوصی توجہ مرکوز کرنے کی ضرور ت ہے۔ بیماریوں سے بچاؤ کے لئے پیشگی حفاظتی اقدامات پر خصوصی توجہ دی جانی چاہیئے۔(جاری ہے)
ایمونائزیشن کے لئے محکمہ صحت نے اچھا کام کیا ہے اور مستقبل میں بھی اسی جذبے کے ساتھ ایمونائزیشن کے عمل کو جاری رکھا جائے ۔ انہوں نے کہا کہ ترقیاتی حکمت عملی کے اہداف کے حصول میں ہیلتھ سٹرٹیجی کے تحت مقررکئے جانے والے ٹارگٹ کا حصول انتہائی ضروری ہے۔
عوام کو صحت کی معیاری سہولتوں کی فراہمی کے لئے وسائل کی کوئی کمی نہ کبھی پہلے آنے دی اور نہ آئندہ آنے دوں گا لیکن محکمہ صحت کو اپنے تعین کردہ اہداف کے حصول کے لئے عزم اور بہترین مینجمنٹ کے ساتھ کام کرنا ہو گا تا کہ صوبے کے عوام کو صحت عامہ کی معیاری سہولتوں کی فراہمی یقینی بنائی جا سکے-وزیر اعلی نے ہدایت کی کہ ہیلتھ سٹریٹیجی پر عملدرآمد کے حوالے سے تین ہفتے کے بعد حتمی سفارشات پیش کی جائیں-وزیر اعلی نے جعلی اور غیر معیاری ادویات کے خلاف موثر کریک ڈاؤن پر پارلیمانی سیکرٹری خواجہ عمران نذیر کو شاباش دی ۔ سیکرٹری پرائمری و سیکنڈری صحت نے ہیلتھ سٹریٹجی کے اہم خدوخال کے حوالے سے تفصیلی بریفنگ دی۔صوبائی وزراء رانا ثناء اﷲ ، ڈاکٹر عائشہ غوث پاشا ، مشیر ڈاکٹر اعجاز نبی، پارلیمانی سیکرٹری خواجہ عمران نذیر، ایم پی اے محمد کاشف ،چیف سیکرٹری خضر حیات گوندل، متعلقہ سیکرٹریز، طبی ماہرین اور ماہرین اقصادیات نے اجلاس میں شرکت کی۔ چیئرمین منصوبہ بندی وترقیات کمشنر آف راولپنڈی جبکہ ایم پی اے مخدوم ہاشم جوان بخت ڈی سی اوآفس رحیم یارخان سے ویڈیولنک کے ذریعے اجلاس میں شریک ہوئے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.