اسلام آباد، ٹریفک پولیس کی 10دسویں سالگرہ پر تقریب کا انعقاد،آئی جی اسلام آباد کی شرکت

اسلام آباد (اُردو پوائنٹ اخبارتازہ ترین - آئی این پی۔29 جنوری۔2016ء) اسلام آباد ٹریفک پولیس کے 10سال مکمل ہونے پرآئی ٹی پی ہیڈ کوارٹر میں دسویں سالگرہ منائی گئی،آئی جی اسلام آباد تقریب کے مہمان خصوصی تھے ،اسلام آباد ٹریفک پولیس سے متعلق کارکردگی کی رپورٹ آئی جی اسلام آباد کو پیش کی گئی۔

(جاری ہے)

تفصیلات کے مطابق اسلام آباد ٹریفک پولیس کے10سال مکمل ہونے پر آئی ٹی پی ہیڈ کوارٹر میں تقریب منعقد کی گئی جس میں آئی جی اسلام آبادنے بحیثیت مہما ن خصوصی شرکت کی ،ایس ایس پی ٹریفک ملک مطلوب احمد نے آئی ٹی پی سے متعلق10سالہ کارکردگی کی رپورٹ پیش کی اس موقعہ پر آئی جی اسلام آباد نے آئی ٹی پی کے افسران و جوانوں کو 10سال مکمل ہونے پر مبارک باد دی اوراسلام آباد ٹریفک پولیس کی کارکردگی کو مزید بہتر بنانے کی ہدایت کی انھوں نے کہا کہ شہریوں سے اچھا رویہ رکھتے ہوئے اپنی کارکردگی کو مزید بہتر بنائیں آئی جی اسلام آباد نے ایس ایس پی ٹریفک ملک مطلوب کو آئی ٹی پی کی کارکردگی تسلی بخش رکھنے پر شاباش دی، ایس ایس پی ٹریفک ملک مطلوب احمد نے آئی جی پی کا شکریہ ادا کرتے ہوئے کہا کہ اسلام آباد ٹریفک پولیس شہریوں کو ہر ممکن سے ممکن سہولیات فراہم کرنے کے ساتھ ساتھ عوام کو ٹریفک قوانین اور روڈ سیفٹی کے متعلق آگاہی فراہم کر رہاہے، اس موقعہ پرآئی جی اسلام آباد ،ایس ایس پی ٹریفک اور دیگر افسران نے آئی ٹی پی کی دسویں سالگرہ کا کیک بھی کاٹا ۔