پی آئی اے نجکاری ، جوائنٹ ایکشن کمیٹی کا ایک گھنٹے کیلئے فضائی سروس معطل رکھنے کا اعلان

جمعہ 29 جنوری 2016 11:36

کراچی(اُردو پوائنٹ اخبار تازہ ترین۔29جنوری2016ء)مجوزہ نجکاری کے خلاف پی آئی اے ملازمین کا احتجاج اور دفاتر کی تالہ بندی کا چوتھا دن ، جوائنٹ ایکشن کمیٹی نے ایک گھنٹے کے لئے فضائی سروس معطل رکھنے کا اعلان کردیا ۔ کراچی میں پی آئی اے ہیڈ آفس کے باہر قومی ائر لائن کی مجوزہ نجکاری کے خلاف ملازمین کا احتجاج اور دھرنا چوتھے دن بھی جاری ہے ۔

(جاری ہے)

پی آئی اے کے بکنگ آفس اور دفاتر پر تالہ بندی بھی جاری ہے ۔ سی بی اے اور حکومتی نمائندوں کے درمیان آج اسلام آباد میں مذاکرات ہوں گے ۔ جوائنٹ ایکشن کمیٹی مذاکرات میں شرکت نہیں کرے گی ۔ جوائنٹ ایکشن کمیٹی نے ہیڈ آفس سے جناح انٹرنینشل ائرپورٹ تک احتجاجی ریلی نکالنے اور وہاں دھرنا دینے اور فضائی سروس ایک گھنٹے معطل رکھنے کا اعلان کیا ہے ۔ فضائی سروس 11 بجے دن سے 12 بجے دوپہرتک معطلی رکھی جائےگی ۔

Facebook Twitter Google + Share on Whatsapp

پی آئی اے نجکاری ، جوائنٹ ایکشن کمیٹی کا ایک گھنٹے کیلئے فضائی سروس معطل رکھنے کا اعلان

مزید اہم خبریں