فیس بک کے بانی مارک زکر برگ دنیا کے چھٹے امیر ترین شخص بن گئے

سمیرا فقیرحسین جمعہ 29 جنوری 2016 15:02

نیویارک (اُردو پوائنٹ تازہ ترین اخبار۔ 29 جنوری 2016ء) : سماجی رابطے کی ویب سائٹ فیس بُک کے بانی مارک زکر برگ دنیا کے چھٹے امیر ترین شخص بن گئے ہیں۔ تفصیلات کے مطابق فیس بُک کی نیٹ ورتھ میں حالیہ اضافے کے بعد مارک زکر برگ دنیا کی امیر ترین شخصیات کی فہرست میں چھٹے نمبر پر آ گئے ہیں۔

(جاری ہے)

زکر برگ نے ریپبلیکن خزانے میں رقم دینے کے لیے جانے جانے والے دو بھائیوں کو بھی پیچھے چھوڑ دیا ہے۔ گذشتہ کچھ ہفتوں سے فیس بک کے سٹاک میں مندی ریکارڈ کی گئی لیکن اسٹاکس میں تیزی سے ہوئی بحالی نے مارک زکر برگ کو دنیا کا چھٹا امیر ترین شخص بنا دیا ہے۔ واضح رہے کہ مارک زکر برگ نے اپنی بیٹی کی پیدائش پر فیس بُک کے 99 فیصد شئیر فلاحی کاموں کے لیے عطیہ کرنے کا اعلان کیا تھا۔