تحریک انصاف الیکشن کمیشن نے انٹرا پارٹی انتخابات کیلئے تحریری طور پر انتخابی ضابطہ اخلاق جاری کردیا،چیئرمین تحریک انصاف پر کسی بھی امیدوار کی حمایت پر پابندی عائد،انتخابی مہم کے دوران جلسے' جلوسوں کا انعقاد ممنوع قرار
گروہ بندی' بد عنوانی' دھاندلی اور ضابطہ اخلاق کی خلاف ورزی کی صورت میں سخت سزائیں دی جائینگی ،خلاف ضابطہ سرگرمیوں میں ملوث ہونے کی صورت میں انتخابات میں حصہ لینے کے حوالے سے نا اہلیت،پارٹی ٹکٹ سے محرومی اور بنیادی رکنیت کے اخراج جیسی سزائیں دی جائینگی، ضابطہ اخلاق کے نکات
جمعہ 29 جنوری 2016 20:43
اسلام آباد(اُردو پوائنٹ اخبارتازہ ترین - آئی این پی۔29 جنوری۔2016ء) پاکستان تحریک انصاف الیکشن کمیشن نے انٹرا پارٹی انتخابات کیلئے تحریری طور پر انتخابی ضابطہ اخلاق جاری کر دیا ہے۔ تفصیلات کے مطابق جمعہ کو سیکرٹری الیکشن کمیشن کرنل ریٹائرڈ خالد ظہور کی جانب سے جاری ضابطہ اخلاق میں صاف شفاف اور غیر جانبدار انداز میں انٹرا پارٹی انتخابات کے انعقاد کیلئے مندرجہ ذیل اہم اصول مرتب کیے گئے ۔
چیئرمین تحریک انصاف پر انٹرا پارٹی انتخابات میں حصہ لینے والے کسی بھی امیدوار کی حمایت پر مکمل پابندی عائدہوگی ۔انتخابی مہم کے دوران جلسے' جلوسوں کا انعقاد ممنوع قراردیا گیا ہے۔ وال چاکنگ' بل بورڈز' آتش بازی , انتخابی ضیافتوں اور ووٹوں کی خرید و فروخت بھی منع ہو گی۔(جاری ہے)
امیدوارمحض سوشل میڈیا' انفرادی ملاقاتوں اور عمومی سائز کے پمفلٹس کے ذریعے ہی انتخابی مہم چلا سکیں گے ۔
کسی بھی سطح کے انتخابات کیلئے گروہ بندی اور پینلز کی تشکیل پر بھی مکمل پابندی ہوگی ۔ گروہ بندی' بد عنوانی' دھاندلی اور ضابطہ اخلاق کی خلاف ورزی کی صورت میں سخت سزائیں دی جائینگی۔خلاف ضابطہ سرگرمیوں میں ملوث ہونے کی صورت میں انتخابات میں حصہ لینے کے حوالے سے نا اہلیت' پارٹی ٹکٹ سے محرومی اور بنیادی رکنیت کے اخراج جیسی سزائیں دی جائینگی۔ الیکشن کمیشن کی جانب سے تعینات کردہ مبصرین انتخابی مہم اور عمل کے جائزے/نگرانی کے مجاز ہونگے۔ الیکشن کمیشن انتخابی تنازعات کے حل کیلئے غیرجانبدار' متحرک اور تیز تر وسائل بھی فراہم کریگا۔ انتہائی جامع نکات کا حامل ضابطہ اخلاق چیف الیکشن کمشنر تسنیم نورانی سے منظوری کے بعد جاری کیا گیا، جسے فوری طور پر نافذ العمل قرار دیا گیا ہے۔ انتخابات میں حصہ لینے والے تمام امیدواروں اور ان کے حامیوں پر لازم ہے کہ وہ اس ضابطہ اخلاق پر عملدرآمد یقینی بنائیں۔ الیکشن کمیشن کی جانب سے جاری نوٹیفکشن کے مطابق انتخابی ضابطہ اخلاق کی خلاف ورزی کی صورت میں سخت کارروائی عمل میں لائی جائے گی۔ ترجمان الیکشن کمیشن کے مطابق پاکستان تحریک انصاف وہ واحد سیاسی جماعت ہے جس نے جماعت کے اندر انتخابات کے انعقاد کیلئے انتہائی جامع اور موثر ضابطہ اخلاق نہ صرف مرتب کیا بلکہ اس کے نفاذ کیلئے بھی قابل ذکر اقدامات اٹھائے۔متعلقہ عنوان :
مزید اہم خبریں
-
موبائل رجسٹریشن سسٹم ( کل ) بحال ہو جائے گا
-
آئی ایم ایف ایگزیکٹیو بورڈاجلاس کا29اپریل تک کا شیڈول جاری ‘پاکستان کا اقتصادی جائزہ شامل نہیں
-
وفاقی وزیرخزانہ محمد اورنگزیب کی واشنگٹن ڈی سی میں چینی وزیرخزانہ لان فوان سے ملاقات
-
امریکہ میں فائرنگ، 5 طلبا زخمی، ملزم فرار
-
وفاقی وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات
-
چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف
-
پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف
-
جناح ہائوس حملہ کیس ،بانی پی ٹی آئی کی بہنوں سمیت 34 ملزمان کی عبوری ضمانتوں میں توسیع
-
حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
-
ضمنی انتخابات:لاہورسمیت پنجاب کے13شہروں میں موبائل فون اور انٹرنیٹ سروس بند رہے گی. محکمہ داخلہ پنجاب
-
ایس ایچ ا و ہڈیارہ نے سی آئی اے اہلکاروں پر منشیات فروشوں کی پشت پناہی کا الزام عائد کر دیا
-
قومی و صوبائی اسمبلیوں کی 22 نشستوں پر ضمنی انتخابات کے لیے تیاریاں مکمل‘پولنگ کل ہوگی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.