پاکستان سپر لیگ کا آغاز4 فروری سے دبئی میں ہو گا

پیر 1 فروری 2016 12:14

لاہور(اُردو پوائنٹ اخبارتازہ ترین - این این آئی۔یکم فروری۔2016ء) پاکستان سپر لیگ میں شرکت کے لئے کراچی کنگز کی ٹیم لاہور سے دبئی کے لئے روانہ ہو گئی ہے۔ کھلاڑیوں کا کہنا تھا کہ کراچی کنگز بہترین ٹیم ہے، ایونٹ جیت کر آئیں گے۔پاکستان سپر لیگ میں شرکت کے لئے لاہور سے دو آفیشلز اور چار کھلاڑی دبئی روانہ ہوئے۔ جن میں فیلڈنگ کوچ عبدالمجید، فزیو اسد، کھلاڑی سہیل تنویر، بلاول بھٹی، افتخار احمد اور اسامہ میر شامل ہیں۔

(جاری ہے)

روانگی سے قبل سب کا ایک ہی نعرہ تھا، کراچی جیتے گا۔ سہیل تنویر، بلاول بھٹی اور افتخار احمد نے کہا کہ کراچی کنگز کوکراچی والوں کی سپورٹ چاہئے۔کراچی کنگز ہر لحاظ سے متواز ن ٹیم ہے۔ شائقین کو مایوس نہیں کریں گے۔ پاکستان سپر لیگ کا آغاز چار فروری سے دبئی میں ہو گا۔افتتاحی تقریب میں گلوکار علی ظفر اور شین پال اپنے فن کا مظاہرہ کریں گے۔ جبکہ کراچی کنگز اپنا بتدائی میچ پانچ فروری کو لاہور قلندرز کے خلاف کھیلے گی۔

Facebook Twitter Google + Share on Whatsapp

پاکستان سپر لیگ کا آغاز4 فروری سے دبئی میں ہو گا

متعلقہ عنوان :

مزید کھیلوں کی خبریں