سعودی اتحادیمنی شہریوں پر حملوں کے الزامات کی تحقیقات کرے گا
ماہرین پر مشتمل ٹیم تشکیل،تمام واقعات کی جامدع اورواضح رپورٹ تیار کرے گی،اتحاد کا بیان
منگل 2 فروری 2016 12:06
ریاض(اُردو پوائنٹ اخبارتازہ ترین - این این آئی۔02 فروری۔2016ء)سعودی عرب کی سربراہی میں یمن میں آئینی حکومت کی بحالی کے لئے سرگرم فوجی اتحادنے کہاہے کہ انہوں نے تنازعے میں شہریوں کے خلاف ممکنہ جرائم کے الزامات کی تحقیقات کے لئے ایک غیر جانبدار ٹیم بنا دی ہے۔میڈیارپورٹس کے مطابق اتحاد کی جانب سے جاری کردہ ایک بیان میں بتایا گیا ہے کہ انہوں نے انسانی اور ہتھیاروں سے متعلق بین الاقوامی شہرت رکھے والے ماہرین پر مشتمل ایک غیر جانبدار ٹیم تشکیل دی ہے جو کہ ان واقعات کی تحقیقات کرے گی۔
اتحاد کا کہنا تھا کہ اس اقدام کا مقصد ہے کہ تمام واقعات کی جامع اور واضح رپورٹ تیار کی جائے، ان سے سبق حاصل کیا جائے اور شہریوں کے جانوں کے تحفظ کے لئے سفارشات اور مزید اقدامات اٹھائے جائیں۔(جاری ہے)
سعودی مشن کے آفیشل ٹویٹر پیج کی جانب سے جاری کردہ ایک بیان میں کہا گیا ہے کہ "اتحاد یمن میں شہریوں کی ہلاکت پر گہرے دکھ کا اظہار کرتا ہے۔ اقوام متحدہ کی ایک رپورٹ میں بتایا گیا ہے کہ سعودی اتحاد کی جانب سے 119 ایسی کارروائیاں کی گئی ہیں جن میں بین الاقوامی قوانین کی خلاف ورزی کی گئی ہے۔
رپورٹ میں ان کارروائیوں کے حوالے سے بین الاقوامی تفتیش کا مطالبہ کیا تھا۔سعودی اتحاد کے ترجمان بریگیڈئیر جنرل احمد عسیری کا کہنا تھا کہ ہم اقوام متحدہ اور اس کی ذیلی تنظیموں کے ساتھ سنجیدگی سے تعاون کرر ہے ہیں۔ ہم اپنے اتحادیوں کو مسلسل ٹریننگ دے رہے ہیں تاکہ وہ قوانین کے عین مطابق کارروائیاں کریں۔ان کا مزید کہنا تھا کہ یمن کی صعدہ گورنری کے علاقے ھایدن میں سعودی اتحاد کی بمباری سے این جی او ڈاکٹرز ود آؤٹ بارڈز کے ہسپتال کو نقصان پہنچنے کے بعد ایک ہاٹ لائن کا قیام عمل میں لایا گیا ہے تاکہ این جی او سے مشاورت کر کے ان کی املاک کو نشانہ بننے سے بچایا جاسکے۔مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.