وفاقی وزیرداخلہ نے کراچی میں رینجرز کے غیر مشروط خصوصی اختیارات میں مزید 3 ماہ کی توسیع سے متعلق سندھ حکومت کی سمری کی منظوری دیدی
رینجرز کو دہشت گردوں اور جرائم پیشہ افرادکے خلاف کارروائی سمیت سیاسی رہنماوں کی گرفتاریوں اور مشتبہ افراد کو 90روز تک حراست میں رکھنے کا اختیار حاصل ہو گا،رینجرز اختیارات میں توسیع کا نوٹیفکیشن کسی بھی وقت جاری کر دیا جائیگا، ذرائع
منگل 2 فروری 2016 21:26
اسلام آباد(اُردو پوائنٹ اخبارتازہ ترین - آئی این پی۔02 فروری۔2016ء ) وفاقی وزیرداخلہ چوہدری نثارعلی خان نے کراچی میں رینجرز کے غیر مشروط خصوصی اختیارات میں 4 فروری سے مزید تین ماہ کی توسیع سے متعلق سندھ حکومت کی سمری کی منظوری دے دی ، رینجرز کو دہشت گردوں اور جرائم پیشہ افرادکے خلاف کارروائی سمیت سیاسی رہنماوں کی گرفتاریوں اور مشتبہ افراد کو 90روز تک حراست میں رکھنے کا اختیار حاصل ہو گا،رینجرز اختیارات میں توسیع کا نوٹیفکیشن کسی بھی وقت جاری کر دیا جائے گا .
(جاری ہے)
تفصیلات کے مطابق سندھ حکومت کی طرف سے رینجرز اختیارات میں تین ماہ کی توسیع کی سمری ارسال کی تھی جس میں رینجرز کو انسداد دہشت گردی ایکٹ کے تحت حاصل خصوصی اختیارات میں غیر مشروط طور پر توسیع کی سفارش کی کی گئی تھی ، وزارت داخلہ نے سندھ حکومت کی سمری کی روشنی میں رینجرز کو کراچی میں انسداد دہشت گردی ایکٹ کی دفعہ4 کی ذیلی دفعہ3کے تحت مزید تین ماہ کے لئے اختیارات دینے کی سمری تیار کی اور وزیرداخلہ چوہدری نثار کو منظوری کے لئے ارسال کی،ذرائع کے مطابق چوہدری نثار نے رینجرز اختیارات میں مزیدتین ماہ کی توسیع کی سمری کی منظوری دے دی اور اس کا باضابطہ نوٹیفکیشن کسی بھی وقت جاری کر دیا جائے کیونکہ رینجرز کو حاصل خصوصی اختیارات کی مدت آج 3فروری(بدھ کی)رات بارہ بجے ختم ہو جائے گی،واضح رہے کہ رینجرز اب کراچی میں دہشت گردوں ،جرائم پیشہ افراد سمیت سیاستدانوں کے خلاف بھی کارروائی کر سکے گی اور کسی بھی جگہ پر چھاپہ مار سکے گی جبکہ مشتبہ افراد کو 90روز تک حراست میں بھی رکھا جا سکے گا،اس سے پہلے رینجرز کے اختیارات میں 6دسمبر2015 سے دو ماہ کی توسیع کی گئی تھی۔
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.