علی ظفر عالیہ بھٹ کے ہمراہ اداکاری کے جوہر دکھائیں گے

بدھ 3 فروری 2016 12:08

ممبئی (اُردو پوائنٹ اخبارتازہ ترین - این این آئی۔03 فروری۔2016ء)پاکستان کے معروف اداکار علی ظفر اپنی اگلی بولی وڈ فلم میں عالیہ بھٹ کے ہمراہ اداکاری کرتے نظر آئیں گے۔فلم فیئر کی ایک رپورٹ کے مطابق دونوں اداکار ہدایت کار گوری شندے کی آنے والی فلم میں نظر آئیں گے۔یہ وہی فلم ہے جس کی کاسٹ میں شاہ رخ خان بھی شامل ہیں اور اس فلم کے اعلان کے بعد متعدد لوگوں نے شاہ رخ اور عالیہ کی نامناسب جوڑی کو تنقید کا نشانہ بنایا تھا۔

(جاری ہے)

رپورٹس کے مطابق اس فلم میں علی ظفر کے ساتھ ساتھ ’رنگ دے بسنتی‘ کے اداکار کنال کپور بھی نظر آئیں گے۔فلم کے ہدایت کار کے مطابق یہ کوئی روایتی رومانوی کہانی نہیں ہوگی۔یہ فلم علی ظفر کی بولی وڈ میں ساتویں فلم ہوگی، اس سے قبل انہوں نے ’کل دل‘، ’میرے برادر کی دلہن‘، اور ’چشمِ بد دور‘ کے سیکوئل میں کام کیا ہے۔علی ظفر اس وقت اپنی پروڈکشن فلم ’دیوسائی‘ کی پروڈکشن میں مصروف ہیں۔دوسری جانب عالیہ بھٹ اس وقت اپنی آنے والی فلم ’کپور اینڈ سنز‘ کی تشہیر میں مصروف ہیں جس میں ان کے ہمراہ فواد خان اور بولی وڈ اداکار سدھارتھ ملہوترا نے اہم کردار ادا کیا ہے۔

Facebook Twitter Google + Share on Whatsapp

علی ظفر عالیہ بھٹ کے ہمراہ اداکاری کے جوہر دکھائیں گے

مزید فن و فنکار کی خبریں