کترینہ کیف کی فلم” فتور“12فروری کوسینما گھروں کی زینت بنے گی

بدھ 3 فروری 2016 12:22

ممبئی(اُردو پوائنٹ اخبارتازہ ترین - این این آئی۔03 فروری۔2016ء) بالی ووڈ اداکارہ کترینہ کیف آجکل اپنی نئی آنے والی فلم ”فتور“ کی تشہیر میں مصروف ہیں ،گزشتہ میڈیا رپورٹس کے مطابق کہا گیا تھا کہ اداکارہ نے فلم میں اپنے کرادر میں حقیقت کا رنگ بھر نے کیلئے اپنے بالوں کو سرخ رنگ میں رنگ لیا ہے ۔علا وہ ازیں ان کے بالوں کو سرخ رنگ میں رنگنے کیلئے استعمال کیے جانے والے خضاب کی قیمت55لاکھ روپے ہے ۔

(جاری ہے)

بالی ووڈ اداکارہ کترینہ کیف نے بتایا کہ یہ خبر سراسر جھوٹی اور بے بنیاد ہے، انکا کہنا تھا کہ اتنا مہنگا رنگ کوئی چاہ کر بھی نہیں خرید سکتا اور اس کی کوئی ضرورت بھی نہیں تھی ۔انھوں نے بتایا کہ ان کے بالوں کو سرخ رنگ میں رنگنے کا آئیڈیا فلمساز ابھیشک کپور کا تھا ۔قطرینہ نے بتایا کہ ابھیشک کپور کا کہنا تھا کہ سردیوں کے موسم میں چونکہ کشمیر میں جنگلات پیڑ پودے سرخ ہو جاتے ہیں لہٰذا انکے بال بھی استعارے کے طور پر سرخ ہونے چاہیں ۔واضح رہے کترینہ کیف کی فلم” فتور“12فروری کے روز نمائش کیلئے پیش کی جائے گی۔

Facebook Twitter Google + Share on Whatsapp

کترینہ کیف کی فلم” فتور“12فروری کوسینما گھروں کی زینت بنے گی

مزید فن و فنکار کی خبریں