کیلیفورنیا کے ہسپتال میں 16 سالوں سے خاموش لیٹے ہوئے گمنام مریض کو اس کا اصل نام مل گیا
میاں محمد ندیم جمعہ 5 فروری 2016 11:24
سان ڈیاگو (ا ردو پوائنٹ اخبارتازہ ترین-انٹرنیشنل پریس ایجنسی۔05فروری۔2016ء) امریکہ کی ریاست کیلیفورنیا کے ایک ہسپتال میں 16 سالوں سے خاموش لیٹے ہوئے گمنام مریض کو بالآخر اس کا اصل نام مل گیا ہے۔ان تمام سالوں میں اس مریض کو گیرا ج66 کے نام سے پکارا جاتا رہا ہے۔ وہ دماغ پر شدید چوٹ آنے کی وجہ سے بولنے یا ردعمل ظاہر کرنے کے قابل نہیں ہے۔سان ڈیاگو کے شارپ کوراناڈو ہسپتال کا ویلا اسکلڈ نرسنگ شعبہ 1999 سے اس کا گھر ہے جب وہ ایک کار حادثے کے بعد یہاں لایا گیا تھا اور اس وقت سے یہاں اپنی ز ندگی کی جنگ لڑ رہا ہے۔
ہسپتال کو اپنے خاموش مریض گیراج 66 کے گھر والوں کی تلاش تھی جو پچھلے 16 برسوں سے ہسپتال کے ایک بیڈ پر بے سد پڑا ہے گزشتہ روز سان ڈیاگو میں میکسیکو کے قونصیل خانے نے اعلان کیا کہ ہسپتال کی کوششوں اور امیگریشن حکام کی تلاش کامیاب ہوگئی ہے اور خاموش مریض کی شناخت کا معمہ حل کر لیا گیا ہے۔(جاری ہے)
سان ڈیاگو ٹریبون کے مطابق مریض کی معلومات کی رازداری کے قوانین کی وجہ سے ہسپتال نے مریض کا نام اور اس کی حالت کے بارے میں کچھ بھی بتانے سے انکار کیا ہے۔
اس مریض کے خاندان نے بھی ذرائع ابلاغ سے بات چیت کرنے سے انکار کیا ہے اور ان کی رازداری کا احترام کرنے کے لیے کہا ہے۔ہسپتال کے ترجمان ٹام ہینس کوم نے کہا کہ ہسپتال کا طبی عملہ اب گیراج 66 کو اس کے نام سے پکارے گا۔ہسپتال کے ترجمان نے کہا کہ آج ہم اس شخص کے وقار، اس کی شناخت اور اس کے پس منظر کے بارے میں جانتے ہیں اور ہم اس کے گھر والوں کے اطمینان کے بارے میں سوچ کر خوش ہیں جنھیں اتنے برسوں تک اپنے پیارے کی حالت کے بارے میں کوئی خبر نہیں تھی۔ہسپتال کا عملہ مقامی میڈیا کے ساتھ ملکر 2014 میں گمنام مریض کی کہانی کو منظر عام پر لایا تھا تاکہ اس کے گھر والوں کی تلاش کو ممکن بنائے جاسکے۔اس کے بعد کئی خاندان اپنے کھوئے ہوئے رشتے دار کو تلاش کرتے ہوئے ہسپتال آئے اور پھر گمنام مریض کی شناخت کا پتا لگانے کے لیے ایک کمیٹی تشکیل دی گئی جس میں کمیونٹی کے افراد اور حکومتی اہلکار شامل تھے۔اس کمیٹی کی طرف سے مریض کا بائیو میٹرک تجزیہ اور اس کے ڈی این اے کی جانچ کا کام انجام دیا گیا جس کے بعد دسمبر میں مریض کا ڈی اے ایک خاندان کے ساتھ میچ ہوگیا تھا۔خیال کیا جاتا ہے کہ مریض کی عمر 35 سال کے لگ بھگ ہے۔ وہ امریکہ اور میکسیکو کی سرحد کے قریب شہر ال سینٹرو میں تھا جب اس کی وین کو حادثہ پیش آیا جس کے بعد اسے تباہ شدہ وین سے باہر نکالا گیا تھا۔اسے فوری طور پر یو ایس سان ڈیاگو ہسپتال کے ٹراما سینٹر میں داخل کرایا گیا تھا جہاں ایک سال تک اس کا علاج جاری رہا اور یہیں اسے ایک فرضی نام گیراج 66 دیا گیا جو عام طور پر اس طرح کے خاموش اور ایسے مریضوں کو دیا جاتا ہے جن کی شناخت کے بارے میں کچھ پتا نہیں ہوتا ہے۔گیراج 66 کی طبی نگہداشت کے اخراجات کا تخمینہ فی روز 700 ڈالر ہے جسے معذوروں کے ایک پروگرام میڈیکل کیلیفورنیا پروگرام کی طرف سے ادا کیا جاتا ہے۔تارکین وطن کے حقوق کی تنظیم بارڈر اینجل کے بانی اینریکے مرونس نے کہا کہ سرحدوں پر لاپتا ہوجانے والے ہزاروں افراد کے حوالے سے مزید کام کرنے کی ضرورت ہے جو اپنے گھروں کو کبھی واپس پہنچ نہیں پاتے ہیں۔انھوں نے مزید کہا کہ نہیں معلوم کہ یہاں اور کتنے گیراج 66 موجود ہوں گے اور ہو سکتا ہے کہ یہ صرف 16 سالہ پرانا کیس نہ ہو بلکہ وہاں6 روز پرانا کیس بھی موجود ہو لیکن ان کے پیچھے ایک ماں ضرور ہوتی ہے جو یہ جاننا چاہتی ہے کہ اس کا بیٹا زندہ ہے۔ اور اس کیس سے ہم بہت سے لوگوں کو امید دینے جارہے ہیں۔مزید اہم خبریں
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.