وفاقی حکومت عوام پر ناروا ٹیکسوں کا بوجھ کم اور عالمی منڈی میں تیل کی قیمتوں میں کمی کے ثمرات عوام تک منتقل کرے، پاکستان تحریک انصاف کا مطالبہ
اپنے تین سالہ دور اقتدار میں مسلم لیگ نواز تاریخ کی سب سے ظالم جمہوری حکومت ثابت ہوئی ہے جس نے اپنی بدعنوانیوں اور ناکام معاشی پالیسیوں سے عوام کیلئے بے شمار مشکلات پیدا کی ہیں شریف برادران اپنی انتخابی مہم میں مہنگائی کم کرنے، جنرل سیلز ٹیکس کی شرح گھٹانے، بجلی بحران ختم کرنے اور گزشتہ ادوار میں لوٹی گئی قومی دولت وطن واپس لانے کا وعدہ کیا کرتے تھے، تاہم حکومت میں آتے ہی انہوں نے اپنے تمام وعدے فراموش کردیے اور عوام پر ظلم و ستم کا ایک نیا دور شروع کیا،سیف اللہ نیازی کا احتجاجی ریلی سے اپنے خطاب
ہفتہ 6 فروری 2016 21:26
اسلام آباد(اُردو پوائنٹ اخبارتازہ ترین - آن لائن۔06 فروری۔2016ء) پاکستان تحریک انصاف کے مرکزی سنئیر رہنما سیف اللہ نیازی نے وفاقی حکومت کی ناکام اور عوام دشمن پالیسیوں پر کڑی تنقید کرتے ہوئے حکومت سے عوام پر ناروا ٹیکسوں کا بوجھ کم کرنے اور عالمی منڈی میں تیل کی قیمتوں میں کمی کے ثمرات عوام تک منتقل کرنے کا مطالبہ کیا ہے۔ ان کا کہنا ہے کہ اپنے تین سالہ دور اقتدار میں مسلم لیگ نواز تاریخ کی سب سے ظالم جمہوری حکومت ثابت ہوئی ہے جس نے اپنی بدعنوانیوں اور ناکام معاشی پالیسیوں سے عوام کیلئے بے شمار مشکلات پیدا کی ہیں۔
شریف برادران اپنی انتخابی مہم میں مہنگائی کم کرنے، جنرل سیلز ٹیکس کی شرح گھٹانے، بجلی بحران ختم کرنے اور گزشتہ ادوار میں لوٹی گئی قومی دولت وطن واپس لانے کا وعدہ کیا کرتے تھے، تاہم حکومت میں آتے ہی انہوں نے اپنے تمام وعدے فراموش کردیے اور عوام پر ظلم و ستم کا ایک نیا دور شروع کیا۔(جاری ہے)
ان خیالات کا اظہار انہوں نے اسلام آباد کی آبپارہ مارکیٹ میں ایک بڑی احتجاجی ریلی سے اپنے خطاب میں کیا۔
ان کا کہنا تھا کہ مسلم لیگ نواز نے تین سال گزر جانے کے باوجود عوام سے کیا گیا کوئی وعدہ پورا نہیں کیا اور نہ ہی عوام کی فلاح و ترقی کیلئے کوئی حکمت عملی اختیار کی۔ آج بھی مسلم لیگ نواز غریبوں سے ٹیکس وصول کرنے اور امیروں کو ٹیکس میں چھوٹ دینے کی پالیسی پر گامزن ہے۔ مسلم لیگ نواز نے ملکی تاریخ کے مہنگے ترین قرضے غیر معمولی مقدار میں حاصل کیے جس کے نتیجے میں ہر پاکستانی سوا لاکھ روپوں کا مقروض ہو چکا ہے۔ انہوں نے کہا کہ ملکی تاریخی میں جتنے قرضے حاصل کیے گئے ان کے مجموعی حجم سے زائد قرضے مسلم لیگ نواز نے محض تین سالوں میں حاصل کیے۔ ۔ انہوں نے کہا کہ مسلم لیگ نواز کے اقتدار میں آنے سے پہلے پٹرول اور ڈیزل پر ٹیکس کی شرح بالترتیب 23اور 22فیصد تھی جبکہ آج وفاقی حکومت ڈیزل پر 98فیصد مٹی کے تیل پر 61فیصد اور پٹرول پر 52فیصد تک کے ٹیکسز وصول کر رہی ہے۔ انہوں نے کہا کہ عوام کو فروخت کی جانے والی قیمت سے اگر ٹیکس نکال دیا جائے تو ڈیزل کی قیمت 38مٹی کا تیل کی قیمت 26جبکہ پٹرول کی قیمت 47روپے رہ جاتی ہے۔تحریک انصاف نے وفاقی حکومت کی ظالمانہ پالیسیوں کے خلاف بڑا احتجاجی مظاہرہ کیا ۔ مظاہرین نے حکومتی پالیسیوں کے خلاف بینرز اور پلے کارڈز اٹھا رکھے تھے۔ مظاہرے کی ابتداء تحریک انصاف کے مرکزی آفس سے کی گئی جوکہ آبپارہ چوک میں جا کر ختم ہوا۔ مظاہرے میں تمام شعبہ ہائے زندگی سے تعلق رکھنے والے لوگ ہزاروں کی تعداد میں شریک ہوئےمزید اہم خبریں
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.