لاہور کی فیملی عدالت نے اداکارہ میرا کی جانب سے تکذیب نکاح کے مقدمے کی سماعت بیس فروری تک ملتوی کرتے ہوئے آئندہ سماعت پرمقدمے کے گواہوں کو طلب کر لیا۔

عمر جمشید پیر 8 فروری 2016 14:55

لاہور(اُردو پوائنٹ اخبارتازہ ترین۔08 فروری۔2016ء) لاہورکی فیملی عدالت کی جج شمیم اختر وٹو نے کیس کی سماعت کرنا تھی ۔اداکارہ میرا نے تکذیب نکاح کے دعوی میں موقف اختیار کر رکھا ہے کہ عتیق الرحمن نامی شہری جعلی نکاح نامہ بنا کر اس کا شوہر ہونے کا جھوٹا دعوی کر رہا ہے۔تکذیب نکاح کی کاروائی پر عدالت عالیہ کی جانب سے حکم امتناعی واپس لیا جا چکا ہے لہذا عدالت اپنا فیصلہ سنائے۔

(جاری ہے)

جعلی نکاح نامہ یونین کونسل سے رجسٹرڈ نہیں اس پر دستخط،مہریں اور گواہوں کے دستخظ بھی جعلی ہیں۔ عدالت نے اداکارہ کے شوہرہونے کے دعویدار عتیق الرحمن کو متعدد نوٹسز جاری کر رکھے ہیں مگر عتیق الرحمن کی جانب سے ابھی تک عدالت میں کوئی جواب داخل نہیں کرایا گیا۔جس پر عدالت نے اداکارہ میرا کی جانب سے تکذیب نکاح کے مقدمے کی سماعت بیس فروری تک ملتوی کرتے ہوئے آئندہ سماعت پرمقدمے کے گواہوں کو طلب کر لیا۔