ٹینس سٹار اینڈے مرے باپ بن گئے

کھیلوں کی شخصیات اور سیاست دانوں نے انھیں ٹویٹ کر کے مبارک باد دی

منگل 9 فروری 2016 20:17

لندن(اُردو پوائنٹ اخبارتازہ ترین - آن لائن۔09 فروری۔2016ء) برطانیہ کے ٹینس سٹار اینڈے مرے کی بیوی کِم سیئرز نے اتوار کی رات ایک لڑکی کو جنم دیا ہے۔اینڈی مرے اور کِم سیئرز نے گذشتہ سال اپریل میں اینڈی مرے کے آبائی شہر ڈنبلین میں شادی کی تھی۔اینڈی مرے کی دادی شرلی ارسکین کا کہنا ہے کہ وہ لڑکی کی پیدائش پر بہت زیادہ خوش ہیں۔اینڈی مرے نے گذشتہ ماہ آسٹریلین اوپن کے فائنل میں نواک جوکووچ کے ہاتھوں شکست کے بعد کہا تھا کہ ان کی فیملی ان کی ’ترجیح‘ ہو گی۔

ٹینس کی عالمی درجہ بندی میں دوسرے نمبر پر براجمان اینڈی مرے نے واضح کیا تھا کہ اگر ان کے پہلے بچے کی پیدائش وقت سے پہلے پیدا ہوئی تو وہ سال کے پہلے گرینڈ سلیم کو چھوڑ کر گھر واپس چلے جائیں گیاینڈی مری کے بقول ’یہ میرے اور میری بیوی کے لیے بہت بڑی تبدیلی ہے تاہم یہ موجودہ ترجیح ہے اور اس کے بعد میں دیکھوں گا کہ کہ مجھے کیا کرنا ہے۔

(جاری ہے)

مجھے اس بات کا کوئی اندازہ نہیں ہے کہ چیزیں کیسے تبدیل ہوں گی۔ میں اب بھی اپنے کھیل سے محبت کرتا ہوں۔‘اینڈی مری کے باپ بننے پر کھیلوں کی شخصیات اور سیاست دانوں نے انھیں ٹویٹ کر کے مبارک باد دی ہے۔سپورٹس براڈ کاسٹر گیبی لوگن کا کہنا تھا ’کِم اور اینڈے مری کو لڑکی کی پیدائش پر بہت زیادہ مبارک ہو۔‘برطانیہ کے سابق نمبر ایک ٹینس کھلاڑی اینابیل کرافٹ نے بھی جوڑے کو مبارک باد دی۔ ۔