پی ایس ایل میں شرکت کی اجازت نہ ملنے پر عبدالرزاق کی ماسٹرز چیمپئنز لیگ میں شرکت کے بعد وہ وطن واپسی

بدھ 10 فروری 2016 12:39

کراچی(اُردو پوائنٹ اخبارتازہ ترین - این این آئی۔10 فروری۔2016ء) آل راوٴنڈر عبدالرزاق کو پی ایس ایل میں شرکت کی اجازت نہ مل سکی، ماسٹرز چیمپئنز لیگ میں شرکت کے بعد وہ وطن واپس آ گئے۔تفصیلات کے مطابق عبدالرزاق کو حکام کی بے رخی نے انٹرنیشنل کرکٹ سے قبل از وقت دور کر دیا، وہ اب ڈومیسٹک کرکٹ اور ٹوئنٹی 20لیگز میں صلاحیتوں کا اظہارکررہے ہیں، ایم سی ایل سے معاہدے کے سبب پی ایس ایل میں لاہور قلندرز نے بطور سپلیمنٹری ان کی خدمات حاصل کیں، اس موقع پر یہ کہا گیا تھا کہ وہ لیگ کے بعد ٹیم کو جوائن کر لیں گے۔

سابق کرکٹرز کے ایونٹ میں عبدالرزاق کی ٹیم کیپری کارن کمانڈرز سیمی فائنل کیلئے کوالیفائی نہ کر سکی، ذرائع کے مطابق آل راوٴنڈر نے اپنی پی ایس ایل فرنچائز سے رابطہ کر کے اسکواڈ جوائن کرنے کی خواہش سے آگاہ کیا مگر انھیں بتایا گیا کہ سپلیمنٹری کھلاڑی ہونے کے سبب وہ اب صرف اس صورت میں ٹیم کا حصہ بن سکتے ہیں جب کوئی ریگولر پلیئر انجرڈ ہو، اس پر وہ گذشتہ روز وطن واپس آ گئے، منتظمین کا کہنا ہے کہ آل راوٴنڈر کی شرکت پر کوئی پابندی نہیں لگائی گئی، وہ قوائد پر عمل کر کے ایونٹ کا حصہ بن سکتے ہیں۔

(جاری ہے)

دوسری جانب مشکلات میں گھری ایم سی ایل نے بیشتر کھلاڑیوں کو معاوضوں کا60 سے 70 فیصد ادا کر دیا، تاخیر کے سبب گذشتہ دنوں کئی پلیئرزنے ایونٹ ادھورا چھوڑ کر وطن واپس جانے کی دھمکی دی تھی جس پر ہنگامی اقدامات کیے گئے، قوانین کے تحت 2ہفتے کے دوران بقیہ رقم بھی ادا کر دی جائے گی۔

Facebook Twitter Google + Share on Whatsapp

پی ایس ایل میں شرکت کی اجازت نہ ملنے پر عبدالرزاق کی ماسٹرز چیمپئنز لیگ میں شرکت کے بعد وہ وطن واپسی

متعلقہ عنوان :

مزید کھیلوں کی خبریں