نائیجیریا میں 2 خود کش حملوں کے نتیجے میں 60 سے زائد افراد ہلاک

جمعرات 11 فروری 2016 11:54

ابوجا(اُردو پوائنٹ اخبارتازہ ترین - این این آئی۔11 فروری۔2016ء) نائیجیریا میں 2 خود کش حملوں کے نتیجے میں 60 سے زائد افراد ہلاک جبکہ متعدد زخمی ہوگئے۔

(جاری ہے)

غیر ملکی خبر رساں ادارے کے مطابق نائیجیریا کے شمالی علاقے میں 2خود کش حملوں کے نتیجے میں 60 سے زائد افراد ہلاک جب کہ متعدد زخمی ہوگئے، دھماکے کے بعد جائے وقوعہ پر امدادی ٹیموں کی بڑی تعداد پہنچ گئی جنہوں نے زخمیوں کو اسپتال منتقل کیا جہاں بیشتر زخمیوں کی حالت تشویش ناک ہے جس کے باعث ہلاکتوں میں اضافہ کا خدشہ ہے۔

حکام کا کہنا ہے کہ خودکش حملے خانہ جنگی متاثرہ افراد کی رہائش کے لیے لگائے گئے کیمپ میں ہوا جہاں لوگوں کی بڑی تعداد موجود تھی۔پولیس کا کہنا ہے کہ حملوں کی ذمہ داری ابھی تک کسی بھی گروپ کی جانب سے قبول نہیں کی گئی ہے لیکن خدشہ ظاہر کیا جارہا ہے کہ خود کش حملہ جنگجو تنظیم بوکو حرام کی کارروائی ہے جو کہ اس سے پہلے بھی اس طرح کے حملوں میں ملوث رہی ہے۔

Facebook Twitter Google + Share on Whatsapp

نائیجیریا میں 2 خود کش حملوں کے نتیجے میں 60 سے زائد افراد ہلاک

متعلقہ عنوان :

مزید بین الاقوامی خبریں