دھرنے کا مقصد حکومت گرانا نہیں تھا، نوازشریف کا سیاست میں آنے کا مقصد اپنے بزنس کو ٹھیک کرنا ہے،ڈھائی سال کے دوران وفاقی حکومت نے 450ارب کے قرضے لئے، چینی سفیر سے ملاقات میں تاثرملا کہ مغربی روٹ نہیں بنے گا، راہداری منصوبہ متنازع ہونے سے چھوٹے صوبے شور مچائیں گے، یقین رکھتا ہوں کہ شادی سے زندگی ٹھیک چلتی ہے مگر بدقسمتی سے میری دونوں شادیاں کامیاب نہیں ہوسکیں، ابھی تیسری شادی کے حوالے سے کوئی خبر نہیں
چیئرمین پاکستان تحریک انصاف عمران خان کا ٹی وی انٹرویو
جمعرات 11 فروری 2016 22:52
لاہور(اُردو پوائنٹ اخبارتازہ ترین - آئی این پی۔11 فروری۔2016ء) چیئرمین پاکستان تحریک انصاف عمران خان نے کہا ہے کہ تحریک انصاف کے احتجاجی دھرنے کا مقصد حکومت گرانا نہیں تھا، نوازشریف کا سیاست میں آنے کا مقصد اپنے بزنس کو ٹھیک کرنا ہے ،حکمران الیکشن میں دھاندلی سے جیت کر پیسہ بناتے ہیں، ڈھائی سال کے دوران 450ارب روپے قرض لیاگیا ۔ چینی سفیر سے ملاقات میں تاثرملا کہ مغربی روٹ نہیں بنے گا، راہداری منصوبہ متنازعہ ہونے سے چھوٹے صوبے شور مچائیں گے ۔
وہ جمعرات کو نجی ٹی وی کو انٹرویو دے رہے تھے۔ انہوں نے کہا کہ نوازشریف کا سیاست میں آنے کا مقصد اپنے بزنس کو ٹھیک کرنا ہے ، حکمران الیکشن میں دھاندلی سے جیت کر پیسہ بناتے ہیں۔ہمارے دھرنے کا مقصد حکومت گرانا نہیں تھابلکہ حکومت کی گورننس کو ٹھیک کرنا تھا۔(جاری ہے)
عمران خان نے کہا کہ ڈھائی کروڑ بیلٹ پیپرز غائب ہیں عام انتخابات کیسے شفاف ہو سکتے ہیں ۔
انہوں نے کہا کہ منصوبوں سے کمایا گیا کمیشن کا پیسہ بیرون ملک جا رہا ہے ۔ ڈھائی سال کے دوران 450ارب روپے قرض لیا گیا ۔ عمران خان نے کہا کہ چینی سفیر سے ملاقات کی تو یہ تاثر ملا کہ مغربی روٹ بنا یا ہی نہیں جائے گا ۔ راہداری منصوبہ متنازعہ ہونے سے چھوٹے صوبے شور مچائیں گے ۔ خیبر پختونخواہ کی تمام سیاسی جماعتیں مغربی روٹ کی تعمیر چاہتی ہیں ۔عمران خان نے کہاکہ کالا باغ ڈیم کو صحیح طور پر سمجھایا جاتا تو متنازعہ نہ بنتا۔چیئرمی تحریک انصاف نے کہا کہ پی آئی اے نجکاری اور سی پیک منصوبے پر پارلیمنٹ کو اعتماد میں نہیں لیا گیا ۔ ہم خیبرپختونخواہ میں سرکاری اسپتالوں کی نجکاری نہیں بلکہ بہتری کے لئے ریفارمز کر رہے ہیں ۔ ایک سوال کے جواب میں انہوں نے کہا کہ کرکٹرز کی شادیوں کا حال دیکھ کر فیصلہ کیا تھا کہ شادی کروں گا ہی نہیں ،پہلی شادی کے ختم ہونے پر بہت دکھ ہو اتھا ۔میرے بچے مجھ سے دور ہو گئے جو میری زندگی کا انمول اثاثہ تھے ۔ ویسے میں شادی یقین رکھتا ہوں کہ اس سے زندگی ٹھیک چلتی ہے مگر بدقسمتی سے میری دونوں شادیاں نہیں چل سکیں ۔عمران خان نے کہا کہ انسان کی زندگی میں دو چیزوں پر یقین ہونے سے تبدیلی آجاتی ہے، ایک خدا کے ہونے پر اور دوسرا آخرت پر ، اس سے انسان برے کاموں کی طر ف مائل نہیں ہوتا ۔ انہوں نے کہا کہ ابھی تیسری شادی کے حوالے سے کوئی خبر نہیں ہے ۔متعلقہ عنوان :
مزید اہم خبریں
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.