پاکستان جانے کا بہانہ ڈھونڈتا رہتا ہوں،مہیش بھٹ

مثبت سوچ سے ہم دونوں ممالک کے درمیان بہتری لاسکتے ہیں،اداکار

ہفتہ 13 فروری 2016 12:46

پاکستان جانے کا بہانہ ڈھونڈتا رہتا ہوں،مہیش بھٹ

کراچی( اُردو پوائنٹ اخبارتازہ ترین - آن لائن۔13 فروری۔2016ء ) مہیش بھٹ وہ واحد بھارتی فلم ساز ہیں جنہوں نے ہر موڑ پر پاکستان سے اپنی دوستی نبھائی،اور جب بھی وعدہ کیا اسے نبھایا،مہیش بھٹ کی کراچی آمد کی چہ گہمیاں رواں سال کے آغاز سے ہی شروع ہوگئیں تھیں۔مہیش بھٹ اپنی صاحبزادی پوجا بھٹ کے ہمراہ پیر کے روز پی کے فلائٹ275 سے کراچی آئے اور یہ خاص طور پر ناپا کے مدعو کرنے پر پاکستان آئے ہیں۔

(جاری ہے)

انھوں نے میڈیا سے بات چیت کرتے ہوئے کہا کہ میں تو بہانہ ڈھونڈتا رہتا ہوں پاکستان آنے کے لیے ،پاکستان پہلے بھی متعدد بار آچکا ہوں، ہمیں وہی کرنا چاہیے ہے جو ہم آج کررہے ہیں۔ کیونکہ مثبت سوچ سے ہم دونوں ممالک کے درمیان بہتری لاسکتے ہیں،پاکستان بھارت میں ہونے والے فلم اور ڈرامہ فیسٹیول کے ذریعہ ہم مل کر تلخیوں اور دوریوں کو کم کرسکتے ہیں۔پوجا بھٹ نے کہا کہ مجھے پاکستان سے دلی لگاوٴ ہے،میری پہلی فلم بطور ہدایت کارکا پریمئر بھی کارافلم فیسٹیول میں ہوا تھا،اور میری فلمی دنیا کی پہلی فلم”ڈیڈی“پر تھیٹر بھی کراچی میں پیش کیا جارہا ہے۔