تین پاکستانی خواتین باکسرز نے ساؤتھ ایشین گیمزمیں شرکت کرکے تاریخ رقم کردی

منگل 16 فروری 2016 12:31

گوہاٹی (اردو پوا ئنٹ تازہ ترین اخبار16فروری- 2016ء) تاریخ میں پہلی بار پاکستان کی تین خاتون باکسرزنےبھارت میں ہونے والے ساؤتھ ایشین گیمزمیں شرکت کرکے پاکستان کا نام باکسنگ کے میدان میں پہلی باربین الاقوامی سطح پرپہنچایا ۔ خوش لیم بانو، رخسانہ پروین اورصوفیہ جاوید پاکستان کی جانب سے بھارتی شہر شلونگ میں ہونے والے مقابلے میں پاکستان کی نمائندگی کرتےہوئے شریک ہوئیں ۔

(جاری ہے)

صوفیہ جاوید 75 کلو گرام وزن کی کیٹیگری میں کانسی کا تمغہ لینے میں کامیاب ہوئیں جب کہ رخسانہ اور خوش لیم کوئی بھی اعزاز اپنے نام کرنے میں ناکام رہیں ۔ خواتین باکسرز کا کہنا ہے کہ ’’پاکستان میں اس قسم کےکھیلوں میں حصہ لینے کے لئے سخت مشکلات کا سامناکرنا پڑتا ہے ۔ انہوں نے مزید کہا کہ پاکستان کا قدامت پسند معاشرہ خواتین کو اس قسم کے کھیلوں میں حصہ لینے کی اجازت نہیں دیتا ۔ تینوں خواتین باکسرز کی ٹریننگ 2015ء کے ابتدائی دنوں میں نعمان کاظم نامی سابق باکسنگ چیمپئین نے کی ہے اور تینوں باکسراپنی اس کاوش کے پیچھے بھارت کی میری کوم نامی باکسر کو آئیڈیل قراردیتی ہیں جنہوں نے 5 بار ورلڈ چیمپئن شپ اپنے نام کر رکھی ہے ۔

Facebook Twitter Google + Share on Whatsapp

تین پاکستانی خواتین باکسرز نے ساؤتھ ایشین گیمزمیں شرکت کرکے تاریخ رقم کردی

مزید کھیلوں کی خبریں