سیف گیمز میں گولڈ میڈل حاصل کرکے قومی ہاکی ٹیم وطن واپس پہنچ گئی
بھارت کی سرزمین پر پاکستانی پرچم لہراتا دیکھنا زندگی کا ناقابل فراموش لمحہ تھا، ہاکی پلیئر بھارت کیخلاف گول کر نا خواب تھا جو پورا ہوگیا، اویس الرحمن
منگل 16 فروری 2016 17:59
لاہور(اُردو پوائنٹ اخبارتازہ ترین - آن لائن۔16 فروری۔2016ء) ساوٴتھ ایشین گیمز میں شاندار کارکردگی کا مظاہرہ کر نے والی ہاکی ٹیم کے کھلاڑی اویس الرحمن عمران بٹ اور ریحان بٹ نے کہا ہے کہ بھارت کی سرزمین پر پاکستانی پرچم لہراتا دیکھنا زندگی کا ناقابل فراموش لمحہ تھا،نئے کھلاڑیوں کی شمولیت پاکستان ہاکی ٹیم کے لیے آکسیجن ہے، ڈومیسٹک لیول پر ہاکی کے شعبے پر مزید کام کرنے کی ضرورت ہے،پاکستان سپرلیگ کی طرح ہاکی لیگ کا فارمیٹ بھی عنقریب تیار ہو جائے گا۔
تفصیلات کے مطابق ساوٴتھ ایشین گیمز میں شاندار کارکردگی کا مظاہرہ کر تے ہوئے گولڈ میڈل حاصل کر نے والی ہاکی ٹیم وطن واپس پہنچ گئی ہے۔ بھارت کیخلاف فائنل میں واحد گول کر نے والے اویس الرحمن نے بھارت کیخلاف گول کو اپنی زندگی کا بڑا خواب قرار دیا جو پورا ہو گیا۔(جاری ہے)
انہوں نے کہا بھارت کی سرزمین پر پاکستانی پرچم لہراتا دیکھنا زندگی کا ناقابل فراموش لمحہ تھا۔
گول کے بعد پینتیس منٹ بہت مشکل سے پورے کیے۔ اویس الرحمن نے مزید کہا کہ سیف گیمز میں شرکت میری زندگی کا پہلا انٹرنیشنل ایونٹ تھا اور یہ تو ابھی شروعات ہیں۔ ریحان بٹ اور کوچز نے چانس لینے میں بہت تعاون کیا۔ہاکی ٹیم کے مایہ ناز کھلاڑی عمران بٹ نے نئے کھلاڑیوں کی قومی ٹیم میں آمد کو خوش آمدید کہا اور تاثرات دیے کہ نئے کھلاڑیوں کی شمولیت پاکستان ہاکی ٹیم کے لیے آکسیجن ہے۔انہوں نے کہا ڈومیسٹک لیول پر ہاکی کے شعبے پر مزید کام کرنے کی ضرورت ہے۔ انہوں نے کہا پاکستان سپرلیگ کی طرح ہاکی لیگ کا فارمیٹ بھی عنقریب تیار ہو جائے گا۔ ہم نومبر میں ایشیا کپ کھیلیں گے۔ امید ہے ہاکی کو بہتری کا اچھا موقع ملے گا۔عمران بٹ نے مزید کہا کہ پاکستان کی سیف گیمز میں جیت سے نئے لڑکوں کو تحریک ملے گی۔ ٹیم کی فتح اور عزت دیکھ کے لوگ خودبخود میدان میں آتے ہیں۔ انہوں نے حکومت سے مطالبہ کیا کہ وہ سینئر کھلاڑیوں کے مالی حالات بہتر کرنے کی طرف توجہ دیں۔ پہلے کھلاڑیوں کے پاس ایک وقت میں پندرہ پندرہ کنٹریکٹس ہوتے تھے۔ قومی ہاکی ٹیم کے تمام مایہ ناز کھلاڑی اس بات پر متفق دکھائی دیے کہ کر کٹ کی طرح ہاکی کو پروموٹ کیا جانا ضروری ہے۔ ریحان بٹ کا کہنا تھا کہ کھیل کے میدان میں ایک بار پھر ایکشن میں آیا تو پرانی یادیں تازہ ہوگئیں بدقسمتی سے ہمارا ایک لڑکا ان فٹ ہوگیا جس کے باعث مجھے میدان میں اترنا پڑا روایتی حریف کو اس کی سرزمین پر شکست دینا بہت بڑی کامیابی ہے ٹیم میں نئے کھلاڑیوں میں سیکھنے کی صلاحیت موجود ہے میرے ساتھ انہوں نے بہت تعاون کیا جس کی وجہ سے میڈلز کا حصول ممکن ہوامزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.