جیتنے کے باوجود کوئٹہ گلیڈی ایٹرز پرسلو اوور ریٹنگ پر میچ فیس کا 10 فیصد جرمانہ

کوئٹہ گلیڈی ایٹرز نے 93 منٹ میں20اوور کرائے، تمام کھلاڑیوں پرمیچ فیس کا10فیصدجرمانہ ، میچ امپائر کے فیصلے پر اظہار ناراضگی کرنے پر کیون پیٹرسن پر10،احمدشہزادپرمیچ فیس کا20 فیصدجرمانہ عائد

ہفتہ 20 فروری 2016 17:40

جیتنے کے باوجود کوئٹہ گلیڈی ایٹرز پرسلو اوور ریٹنگ پر میچ فیس کا 10 فیصد ..

شارجہ(اُردو پوائنٹ اخبارتازہ ترین - آن لائن۔20 فروری۔2016ء) امپائرکے فیصلے پرناراضگی کااظہار مہنگا پڑگیا،احمد شہزاد اور کیون پیٹرسن پرجرمانہ عائد کردیا گیا جبکہ ٹیم کوسلو اوور ریٹنگ پر میچ فیس کا10 فیصد جرمانہ کر دیا گیا۔

(جاری ہے)

گزشتہ روز پی ایس ایل کے کھیلے گئے پہلے سیمی فائنل میں پشاور زلمی نے اپنے مقررہ 20 اوورز 87 منٹ میں کرائے تھے جبکہ یہی 20 اوورز کوئٹہ گلیڈی ایٹرز نے 93 منٹ میں کرائے جس پرکوئٹہ گلیڈی ایٹررزکے تمام کھلاڑیوں پرمیچ فیس کا10فیصدجرمانہ عائد کیا گیا ہے۔ جبکہ دوران میچ امپائر کے فیصلے پر اظہار ناراضگی کرنے پر کیون پیٹرسن پرمیچ فیس کا10فیصداوراحمدشہزادپرمیچ فیس کا20 فیصدجرمانہ عائد کیا گیا ہے۔ ۔