لاہور اور پشاور میں تعمیر کے بعد شوکت خانم ہسپتال انتظامیہ نے کراچی میں بھی ہسپتال بنانے کی منظوری دے دی

چیئرمین تحریک انصاف عمران خان نے پشاور کے بعد کراچی میں ہسپتال کی تعمیر کا اعلان کیا تھا

اتوار 21 فروری 2016 13:43

کراچی (اُردو پوائنٹ اخبارتازہ ترین - این این آئی۔21 فروری۔2016ء) لاہور اور پشاور میں تعمیر کے بعد شوکت خانم ہسپتال انتظامیہ نے کراچی میں بھی ہسپتال بنانے کی منظوری دے دی ہے۔

(جاری ہے)

تفصیلات کے مطابق 1994 میں لاہور سے شوکت خانم میموریل کینسر ہسپتال کا آغاز کیا گیا تھا جس کے بعد 2015 کے اختتام پر پشاور میں بھی ہسپتال مکمل ہوچکا ہے۔ ہسپتال انتظامیہ نے لاہور اور پشاور کے بعد کراچی میں بھی ہسپتال بنانے کا اعلان کرتے ہوئے اس کی باقاعدہ منظوری دے دی ہے جس کیلئے آگاہی مہم بھی بھرپور طریقے سے شروع کر دی گئی ہے۔ واضح رہے کہ چیئرمین تحریک انصاف عمران خان نے پشاور کے بعد کراچی میں ہسپتال کی تعمیر کا اعلان کیا تھا۔