نواز شریف کی ٹیکس ایمنسٹی سکیم بری طرح ناکام

ٹیکس ایمنسٹی سکیم میں ناکامی کے بعد ایف بی آرکا اربوں روپے کی بنک ٹرانزیکشن کرنے والے بڑے بڑے تاجروں کے خلاف کاروائی کا فیصلہ

اتوار 21 فروری 2016 17:02

اسلام آباد(اُردو پوائنٹ اخبارتازہ ترین - آن لائن۔21 فروری۔2016ء) نواز شریف کی ٹیکس ایمنسٹی سکیم بری طرح ناکام ہوگئی ہے ،20دنوں میں تاجر برادری کی جانب سے 110کے قریب ٹیکس گوشوارے جمع کرائے گئے ہیں ٹیکس ایمنسٹی سکیم میں ناکامی کے بعد ایف بی آرنے اربوں روپے کی بنک ٹرانزیکشن کرنے والے بڑے بڑے تاجروں کے خلاف کاروائی کا فیصلہ کر لیا ہے ،یکم مارچ سے ود ہولڈنگ ٹیکس کی شرح 0.6فیصدکرنے کے ساتھ ساتھ لاکھوں روپے کے بجلی گیس اور ٹیلی فون کے بل ادا کرنے والے تاجروں کو نوٹسز جاری کرنے کے ساتھ ساتھ پکڑ دھکڑ کا سلسلہ شروع کیا جائے گا۔

(جاری ہے)

ایف بی آر ذرائع کے مطابق ٹیکس ایمنسٹی سکیم جو ٹیکس ادا نہ کرنے والے بڑے بڑے تاجروں کو ٹیکس نیٹ میں لانے اور ان کے کالے دھن کو سفید کرنے کے لئے شروع کی گئی تھی ابھی تک ناکامی سے دوچار ہے حکومت کی جانب سے مہم کو کامیاب بنانے کیلئے پرنٹ اور الیکٹرانیک میڈیا پر کروڑوں روپے کے اشتہارات دینے کے ساتھ ساتھ ملک کے چاروں صوبوں میں ہول سیل مارکیٹوں میں اربوں روپے کا کاروبار کرنے والے بڑے بڑے تاجروں کے ساتھ میٹنگز کا انعقاد کیا گیا مگر اس کے باوجود تاجر برادری کی جانب سے ٹیکس ایمنسٹی سکیم پر کسی قسم کا مثبت ردعمل سامنے نہ اسکااورسکیم کے انعقاد کے 20دن گزر جانے ابھی تک صرف110کے قریب ٹیکس گوشوار تاجر برادری کی جانب سے جمع کرائے گئے ہیں ذرائع کے مطابق ٹیکس ایمنسٹی سکیم کی مایوس کن کارکردگی کے بعدحکومت نے سخت اقدامات اٹھانے کا فیصلہ کر لیا ہے ذرائع کے مطابق گذشتہ سال جولائی سے فروری تک پاکستان کے مختلف بنکوں کے زریعے42کھرب روپے کی بنک ٹرانزیکشن کی گئی ہیں جس پر ود ہولڈنگ ٹیکس کی مد میں 12ارب روپے سے زائد ٹیکس وصو ل کیا گیا ہے جس کے بعدایف بی آر نے بنکوں میں اربوں روپے کا سرمایہ رکھنے والے بڑے بڑے تاجروں اور لاکھوں روپے بجلی فون اور گیس کی مد میں اد ا کرنے والے تاجروں کے خلاف سخت کاروائی کرنے کا فیصلہ کر لیا ہے اور تمام بڑے بڑے ٹیکس نادہندگان کو مارچ کے مہینے میں نوٹسز جار ی کئے جا رہے ہیں ۔

متعلقہ عنوان :