متحدہ عرب امارات نے اومان کو روند کر ایشیا کپ کے مین راوٴنڈ میں جگہ بنالی

منگل 23 فروری 2016 12:38

متحدہ عرب امارات نے اومان کو روند کر ایشیا کپ کے مین راوٴنڈ میں جگہ ..

فتح اللہ(اُردو پوائنٹ اخبارتازہ ترین - آن لائن۔23 فروری۔2016ء) عاقب جاوید کی کوچنگ میں ناقابل شکست متحدہ عرب امارات نے اومان کو روند کر ایشیا کپ کے مین راوٴنڈ میں جگہ بنالی، کوالیفائنگ ایونٹ کے آخری مقابلے میں 71 رنز کی شاندار کامیابی حاصل کی، ہانگ کانگ کو 66 رنز سے زیر کرنے والی افغانستان ٹیم پیچھے رہ گئی تفصیلات کے مطابق یو اے ای نے کوالیفائنگ راوٴنڈ میں اپنے تیسرے میچ میں اومان کو 71 رنز سے شکست دے کر ناقابل شکست رہتے ہوئے مین راوٴنڈ میں پاکستان، بھارت، سری لنکا اور بنگلہ دیش کے ساتھ ایشیا کپ کھیلنے کا موقع حاصل کرلیا ہے، گذشتہ روز اس نے پہلے کھیلتے ہوئے 6 وکٹ پر 172 رنز بنائے، محمد کلیم نے سب سے زیادہ 50 اور مین آف دی میچ محمد عثمان نے22 بالز پر 46 رنز بنائے، عامر کلیم نے 4 وکٹیں لیں۔

(جاری ہے)

جواب میں اومان کی ٹیم 8 وکٹ پر 101 رنز بنا پائی، ذیشان مقصود نے 46 رنز بنائے، ڈبل فیگر میں پہنچنے والے دیگر دو کھلاڑی صفیان محمود (13 ناٹ ا?وٴٹ) اور عامر کلیم (12) تھے، محمد نوید اور قدیر احمد نے دودو وکٹیں لیں۔ اس سے قبل افغانستان نے ہانگ کانگ کو 66 رنز سے زیر کیا، فاتح سائیڈ نے 7 وکٹ پر 178 رنز بنائے.نجیب اللہ زدران 60 رنز پر ناقابل شکست رہے، اصغر ستنکزئی نے 49 رنز بنائے۔ اعزاز خان نے تین وکٹیں لیں۔ جواب میں ہانگ کانگ کی ٹیم 17.1 اوورز میں 112 رنز پر ڈھیر ہوگئی، انوشمان راٹھ نے سب سے زیادہ 41 رنز بنائے، کنچیت شاہ (29) اور بابر حیات (18) کے سوا باقی کوئی بھی دہرے ہندسے میں داخل نہیں ہوسکا۔ محمد نبی نے چار وکٹیں لیں۔ ۔

متعلقہ عنوان :