پاکستان پر دو بڑے عذاب کرپشن اور ٹیکس چوری ہے ، تحریک انصاف کے علاوہ سب کے مفادات ایک ہیں اور کوئی نہیں چاہتا کہ کسی قسم کا احتساب ہو، حکمرانوں نے دھاندنی نہ روکی تو ان کے بچوں کو بھی غلامی کرنی پڑے گی،نواز شریف کے دور میں حکومت نے ڈھائی سال میں 6کھرب قرضہ لیا، مصطفی کمال نے جو بھی کہا وہ پی ٹی آئی پہلے سے کہہ رہی ہے،انکی باتوں کو سنجیدہ لینا چاہیئے ،ایم کیو ایم پر” را“ سے تعلق کے الزام معمولی نہیں ،تحریک انصاف کے چیئرمین عمران خان کا نجی ٹی وی کو انٹرویو
پیر 7 مارچ 2016 00:02
اسلام آباد(اُردو پوائنٹ اخبارتازہ ترین - آئی این پی۔ 6مارچ۔2016ء) تحریک انصاف کے چیئرمین عمران خان نے کہا ہے کہ پاکستان پر دو بڑے عذاب کرپشن اور ٹیکس چوری ہے ۔ تحریک انصاف کے علاوہ سب کے مفادات ایک ہیں اور کوئی نہیں چاہتا کہ کسی قسم کا احتساب ہو۔ حکمرانوں نے دھاندنی نہ روکی تو ان کے بچوں کو بھی غلامی کرنی پڑے گی۔ اتوار کو نجی ٹی وی کو دیئے گئے انٹرویو میں انہوں نے کہا کہ الیکشن کے دوران بے ضابطگیاں دھاندلی کا دوسرا نام ہے ۔
الیکٹررل پراسس ٹھیک نہیں ہوا اور کسی کو سزا نہ ہوئی تو انصاف کیسے ملے گا ۔ عمران خان نے کہا کہ ن لیگ نے این اے122میں دونوں مرتبہ دھاندلی کرائی۔ اسٹیٹس کو نے نطام کو جکڑ رکھا ہے اسے توڑنے کی ضرورت ہے۔ انہوں نے کہا کہ تمام منصوبے لاگت سے زیادہ میں بن رہے ہیں ۔(جاری ہے)
پنجاب میں دہشتگردوں کا پیچھا کرنا چاہیئے ۔ نواز شریف کے خلاف 12اہم کیسز کی تحقیقات ہونی چاہیئں۔
عمران خان نے کہا کہ جب نیب کا چیئرمین خود بنائیں گے تو وہ کیسے انہیں پکڑے گا۔پنجاب میں پبلک اکاؤنٹس کمیٹی کو چلنے نہیں دیا جاتا۔ رائیونڈعوام کے ٹیکس کے پیسوں سے چل رہا ہے۔عمران خان نے کہا کہ عوام پر ٹیکس لگ رہے ہیں اور پیسے والے ٹیکس ادا نہیں کر رہے ۔ پاکستان میں بے روزگاری سب سے زیادہ ہے ۔نواز شریف کے دور میں حکومت نے ڈھائی سال میں 6کھرب قرضہ لیا۔ انہوں نے کہا کہ پاکستان کے کسان برے حال میں ہیں جبکہ2007تک پاکستان کا کل قرضہ 5ہزار ارب روپے تھا۔ چیئرمین تحریک انصاف نے کہا کہ یہ جس طرح قرضہ لے رہے ہیں ان کو پتہ ہے کہ واپس نہیں کر سکتے ۔ آئی ایم ایف کے کہنے پر سیلز ٹیکس اور نجکاری کرتے ہیں ۔ انہوں نے کہا کہ مصطفی کمال نے جو بھی کہا وہ تحریک انصاف پہلے سے کہہ رہی ہے ۔ اس کی اسکی باتوں کو سنجیدہ لینا چاہیئے ۔ایم کیو ایم پر را سے الزام معمولی نہیں ہے ۔انہوں نے کہا کہ بھارت میں کانفرنس میں قائد ایم کیو ایم کی تصاویر لگی تھیں پوچھنے پر بھارتی صحافیوں نے بتایا کہ قائد ایم کیو ایم کی تصاویر را نے لگوائیں ۔ وہاں الطاف حسین نے تقریر کی تھی کہ پاکستان کا بننا برصغیر کا سب سے بڑا جرم ہے ۔ سب کو پتہ ہے کہ قائد ایم کیو ایم را سے پیسے لیتا ہے۔عمران خان نے کہا کہ حیران ہوں کہ ابھی بھی چوہدری نثار کو ایم کیو ایم کے خلاف انکوائری کے لئے ثبوت چاہیئے۔ پاکستان میں صرف اپنی حکومت کو بچانے کے لئے ریاست کو کمزور کیا جا رہا ہے ۔ مصطفی کمال کو کراچی کے ترقیاتی کاموں پر کریڈیٹ جاتاہے۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.