ایڈیشنل ڈسٹرکٹ کلکٹر رحیم یار خان کی زیر صدارت حالیہ بارشوں کی پیشنگوئی کے حوالے سے اجلاس
جمعہ 11 مارچ 2016 15:24
رحیم یارخان ۔ 11 مارچ (اُردو پوائنٹ اخبارتازہ ترین - اے پی پی۔11 مارچ۔2016ء) ایڈیشنل ڈسٹرکٹ کلکٹر رحیم یار خان شوذب سعیدکی زیر صدارت حالیہ بارشوں کی پیشنگوئی کے حوالے سے اجلاس ہوا۔ اجلاس میں ہدایت کی گئی کہ تمام اسسٹنٹ کمشنرز اپنی تحصیلوں میں ٹی ایم ایز کے ساتھ مل کر خطرناک قرار دی گئی رہائشی عمارتوں سے مکینوں کا انخلاء یقینی بناتے ہوئے انہیں محفوظ مقامات پر منتقل کریں جبکہ حکم عدولی کی صورت میں معززین علاقہ اور پولیس کی مدد حاصل کی جائے۔
اجلاس سے شوذب سعیدنے خطاب کرتے ہوئے انہوں نے ٹی ایم ایز کو اپنی تمام مشینری چالو حالت میں رکھنے کی ہدایت دی اور کہا کہ تمام اسسٹنٹ کمشنرز اپنی تحصیلوں میں ٹی ایم ایز کے پاس موجود ڈی واٹرنگ سیٹ سمیت تمام امدادی مشینری کا فٹنس سرٹیفکیٹس حاصل کریں اور اگر کہیں پر کوئی کمی ہے تو اسے فوری دور کیا جائے۔(جاری ہے)
انہوں نے ریسکیو1122کو ہدایت کی کہ وہ ضلع بھر کا امدادی پلان مرتب کریں اور اس میں متعلقہ محکموں کی ذمہ داریاں بھی کی جائیں تاکہ بوقت ضرورت کسی قسم کی پریشانی کا سامنا نہ کرنا پڑے۔
انہوں نے ضلعی اور تحصیل سطح پر فوری طور پر کنٹرول روم قائم کرنے اور مستند عملہ تعینات کرنے کی ہدایات بھی جاری کیں۔اس موقع پر انہوں نے ضلع میں نہروں اور ان کی حفاظتی پشتوں کی مظبوطی بارے بھی آگاہی حاصل کی۔محکمہ انہار کی جانب سے ایس ڈی او خالد محمود نے کہا کہ بارشوں کی وارننگ کے باعث ضلع بھر کی تمام نہریں بند کر دی گئی ہیں ،ٹی ایم اے کی جانب سے کہا گیا کہ تمام مشینری چالو حالت میں موجود ہے جس کا از سر نو جائزہ لے لیا جائیگا۔محکمہ صحت کے فوکل پرسن ڈاکٹر مفکر میاں نے کہا کہ کسی بھی ہنگامی صورتحال سے نمٹنے کے لئے پلان مرتب کر لیا گیا ہے اور ضلع بھر کے رورل ہیلتھ سینٹر24گھنٹے کھلے رہیں گے جبکہ ضرورت پڑنے پر تمام بنیادی مراکز صحت پر بھی یہ حکم لاگو ہو گا ۔انہوں نے کہا کہ ادویات و افرادی قوت کی کمی نہیں آنے دی جائے گی۔انچارج ریسکیو1122ڈاکٹر عبدالستار نے کہا کہ ریسکیو1122کے اہلکار کسی بھی ہنگامی صورتحال سے نمٹنے کے لئے ہمہ وقت تیار ہیں جبکہ دیگر محکموں کے ساتھ مل کر مفصل پلان ترتیب دے دیا جائے گا۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.