انسانی اسمگلروں کے گرد گھیرا تنگ، 19 اشتہاریوں سمیت 21 عدالتی مفرور گرفتار

پیر 14 مارچ 2016 13:19

لاہور (اُردو پوائنٹ اخبارتازہ ترین - آئی این پی۔14 مارچ۔2016ء ) وفاقی تحقیقاتی ادارے نے انسانی اسمگلروں کے گرد گھیرا تنگ کر دیا ۔ لاہور، گوجرانوالہ، گجرات سے انیس اشتہاری ملزمان اور 21 عدالتی مفرور گرفتار کر لئے گئے۔

(جاری ہے)

وزیر داخلہ چودھری نثار کی ہدایت پر ایف آئی اے کے انسداد انسانی اسمگلنگ سیل کی کارروائیاں جاری ہیں۔ گزشتہ ہفتے کے دوران پنجاب کے مختلف شہروں سے انیس اشتہاری ملزمان اور اکیس عدالت مفرور گرفتار کیے گئے جن میں سے لاہور سے 12 اشتہاری، دو عدالتی مفرور، گوجرانوالہ اور گجرات سے 7 اشتہاری، 19 عدالتی مفرور حراست میں لئے گئے۔ تمام ملزمان کیخلاف انسداد انسانی اسمگلنگ ایکٹ کی دفعات کے تحت مقدمات درج تھے۔