پیپلزپارٹی عوامی جماعت ہے،اس میں شہیدوں کاخون ہے،فیصل کریم کنڈی
پیر 14 مارچ 2016 16:43
ڈیرہ اسماعیل خان(اُردو پوائنٹ اخبارتازہ ترین - آن لائن۔14 مارچ۔2016ء)پیپلزپارٹی کے مرکزی سیکرٹری اطلاعات وسابق ڈپٹی سپیکرقومی اسمبلی فیصل کریم خان کنڈی نے کہاہے کہ پیپلزپارٹی عوامی جماعت ہے۔اس میں شہیدوں کاخون ہے۔پی ٹی آئی میں میری شمولیت کے حوالے سے افواہیں پھیلانے والے احمقوں کی جنت میں رہتے ہیں۔پی ٹی آئی کے وزیرمال خیبرپختونخواہ علی امین گنڈہ پورصوبائی صدارت کے بہانے وزارت سے استعفی دینے کیلئے راہ فراراختیارکررہے ہیں جبکہ انکے ممبرقومی اسمبلی خیبرپختونخواہ حکومت کوجے یوآئی کی بی ٹیم قراردے رہے ہیں۔
سرداراسراراللہ خان گنڈہ پورشہید کے واقعہ کے سلسلے میں وزیرمال انصاف کے تقاضے پورے کرتے ہوئے جوڈیشل انکوائری کامطالبہ کریں۔مجھ پرقتل کاکوئی الزام نہیں لگایاگیا۔(جاری ہے)
2018ء کاالیکشن بتائے گاکہ کون کتنے پانی میں ہے۔ان خیالات کااظہارانہوں نے میڈیاکے نمائندوں سے گفتگو کے دوران کیا۔انہوں نے کہاکہ اقتدارکے نشے میں وزیرمال خیبرپختونخواہ اوٹ پٹانگ باتیں کررہے ہیں۔
ہم نے اپنے دورمیں سوئی گیس کے اہم منصوبے پرعملی طورپرکام کرکے ڈیرہ شہراوراسکے مضافاتی علاقوں میں گیس پہنچائی لیکن آج گیس پرکام بندہے ۔پی آئی اے کی ڈیرہ اےئرپورٹ سے پانچ فلائٹس شروع کروائی لیکن آج ڈیرہ اےئرپورٹ فلائٹس کیلئے بندہوچکاہے۔یہ عوامی نمائندوں کی غفلت کانتیجہ ہے۔ہم نے اپنے دورمیں ڈیرہ اسماعیل خان سے چھینے جانیوالے دفاترکوواپس ڈیرہ اسماعیل خان شفٹ کروایا اوراپنے حق نمائندگی اداکیا۔انہوں نے کہاکہ چشمہ لفٹ کینال پراجیکٹ پر کسی کوسیاست نہیں کرنی چاہئے اوراسکوسیاست کی نذرنہ کیاجائے۔ہمیں خوشی ہوگی کہ ہم سب ملکرچشمہ لفٹ کینال پراجیکٹ کاافتتاح کریں۔ہمیں ڈیرہ اسماعیل خان کی ترقی عزیزہے۔انہوں نے کہاکہ ڈیرہ اسماعیل خان میں14سے16گھنٹے کی ظالمانہ لوڈشیڈنگ کاسلسلہ جاری ہے اورگرمیوں میں یہ دورانیہ بڑھنے کاامکان ہے۔پی ٹی آئی کی صوبائی کابینہ لوڈشیڈنگ کیخلاف دھرنے دینے اورپیسکوچیف کی تبدیلی کامطالبہ کرتی تھی اورانکے دفترکوتالے لگانیکی بات بھی کی گئی لیکن آج یہ دھرنے تبدیلی اورتالے کہاں ہیں۔لوڈشیڈنگ پہلے کی طرح موجودہے۔انہوں نے کہاکہ ڈیرہ اسماعیل خان کی سڑکوں کی تعمیرکی قلعی ایک بارش نے کھول دی ہے اوران سڑکوں کاتمام سرخی پاؤڈرہٹ گیاہےمزید اہم خبریں
-
سپیکرایازصادق سے سعودی سفیر کی ملاقات ،تعلقات کو مزید وسعت دینے کا اعادہ
-
غزہ سے متعلق اصولی موقف پر پاکستان کو سراہتے ہیں، ایرانی صدرابراہیم رئیسی
-
آئی ٹی برآمدات میں 339 ملین ڈالر کا اضافہ ریکارڈ
-
ملک میں آئین قانون معطل ہو تو پھر ملک میں غیرملکی سرمایہ کاری کیسے آسکتی ہے؟
-
سکیورٹی،اندرونی اورعلاقائی مسائل چیلنجزہیں، یوسف رضا گیلانی
-
ایران کے ساتھ تعلقات امریکا کا نہیں ہمارا معاملہ ہے، ملیحہ لودھی
-
تحریک انصاف کا بشری بی بی کی بگڑتی صحت پر اظہار تشویش
-
بشری بی بی فٹ قرار، تازہ ترین رپورٹ اعلی حکام کو بھجوا دی گئی
-
ازبکستان، پاکستان اور سعودی عرب کے مابین شراکت داری کا اہم معاہدہ
-
غزہ کے ہسپتالوں میں ہلاکتیں، اقوام متحدہ کا تفتیش کا مطالبہ
-
عمران خان کا بیرون ملک جانے سے صاف انکار
-
مسئلہ فلسطین کا حل خطے میں امن و استحکام کے لیے ضروری ہے، ایرانی صدر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.